മുംബൈ:
സ്റ്റേറ്റ് ബാങ്ക് ഓഫ് ഇന്ത്യയുടെ (എസ്ബിഐ) ഡിസംബർ പാദ ഫലങ്ങളും റിസർവ് ബാങ്ക് ഓഫ് ഇന്ത്യ (ആർബിഐ) വായ്പാ നയവും നേതൃത്വം നൽകിയ വ്യാപാരത്തിൽ ഉയർന്ന തോതിലുള്ള ചാഞ്ചാട്ടം വിപണിയിൽ ദൃശ്യമായിരുന്നു.
ബി എസ് ഇ സെൻസെക്സ് ആദ്യമായി 51,000 മാർക്ക് മറികടന്ന് 51,073 എന്ന റെക്കോഡിലെത്തി. എന്നാൽ, പിന്നീട് സൂചിക നേട്ടങ്ങൾ ഭാഗികമായി മായ്ച്ചുകളയുകയും വിധം വിപണി പിന്നോട്ടിറങ്ങി. വ്യാപാരം അവസാനിക്കുമ്പോൾ, വിപണി 117 പോയിന്റ് അഥവാ 0.23 ശതമാനം നേട്ടത്തോടെ 50,732 എന്ന എക്കാലത്തെയും ഉയർന്ന ക്ലോസിംഗ് നിരക്കിലെത്തി. എസ് ബി ഐയാണ് (11.3 ശതമാനം) സൂചികയിൽ ഏറ്റവും കൂടുതൽ നേട്ടമുണ്ടാക്കിയത്.