മസ്കത്ത്:
ജനിതകമാറ്റം വന്ന കൊവിഡ് വൈറസ് ഒമാനിൽ കൂടുതൽ പേരിൽ കണ്ടെത്തി. നാലുപേരിലാണ് പുതിയ കൊവിഡ് വൈറസ് കണ്ടെത്തിയതെന്ന് ആരോഗ്യമന്ത്രി ഡോ അഹമ്മദ് അൽ സൗദി അറിയിച്ചു. വ്യാഴാഴ്ച മുതൽ ശനിയാഴ്ച വരെ 598 പേർക്കുകൂടി പുതുതായി രോഗം സ്ഥിരീകരിച്ചിട്ടുണ്ട്.
ഇതോടെ മൊത്തം രോഗികളുടെ എണ്ണം 1,34,326 ആയി. 282 പേർക്കുകൂടി രോഗം ഭേദമായി. 1,26,854 പേരാണ് ഇതുവരെ രോഗമുക്തരായത്.
രണ്ടു പേർകൂടി മരിച്ചു. 1529 പേരാണ് ഇതുവരെ മരിച്ചത്. 11 പേരെക്കൂടി ആശുപത്രിയിൽ പ്രവേശിപ്പിച്ചു. 102 പേരാണ് ആശുപത്രികളിൽ ചികിത്സയിലുള്ളത്. ഇതിൽ 27 പേർ തീവ്രപരിചരണ വിഭാഗത്തിലാണുള്ളത്.