വിഴിഞ്ഞം:
കൊല്ലം തുറമുഖത്തിന്റെ നിയന്ത്രണത്തിലായിരുന്ന വിഴിഞ്ഞം ഇനി സ്വതന്ത്ര ചുമതലയുള്ള ചെറുകിട തുറമുഖമായി പ്രവർത്തിക്കും. വിഴിഞ്ഞം തുറമുഖത്തിന്റെ അടിസ്ഥാനസൗകര്യങ്ങളും സുരക്ഷാ സംവിധാനവും വികസിപ്പിച്ച് അന്താരാഷ്ട്ര തലത്തിലുള്ള ചെറുകിട തുറമുഖമാക്കുന്നതിനാണ് പുതിയ പദവി നൽകിയത്. ഈ മാസം ഒന്നിനു നടന്ന കേരള മാരിടൈം ബോർഡിന്റെ നേതൃത്വത്തിലുള്ള ബോർഡ് മീറ്റിങ്ങിലായിരുന്നു വിഴിഞ്ഞം തുറമുഖത്തിനു സ്വതന്ത്ര പദവി നൽകാൻ അധികൃതര്‍ തീരുമാനിച്ചത്.