ന്യൂസിലാൻഡ് ജനതയ്ക്കും പ്രധാനമന്ത്രി ജസീന്തക്കും നന്ദി അർപ്പിച്ച് യു.എ.ഇ

ദുബായ്:

ലോ​ക​ മനഃസാക്ഷിയെ നടുക്കിയ ന്യൂ​സി​ലാ​ൻ​റ്​ ഭീ​ക​രാ​ക്ര​മ​ണ​ത്തി​ൽ ഇ​ര​യാ​ക്ക​പ്പെ​ട്ട​വ​ർ​ക്ക് ഒപ്പം നി​ന്ന ന്യൂ​സി​ലാ​ൻഡ് ജ​ന​ത​ക്കും പ്ര​ധാ​ന​മ​ന്ത്രി ജ​സീ​ന്ത ആ​ർ​ഡേ​ണക്കും ന​ന്ദി അറിയിച്ച് യു.​എ.​ഇ​. യു.​എ.​ഇ. വൈ​സ് ​​പ്ര​സി​ഡ​ന്റും പ്ര​ധാ​ന​മ​ന്ത്രി​യും ദുബായ് ഭ​ര​ണാ​ധി​കാ​രി​യു​മാ​യ ശൈ​ഖ്​ മു​ഹ​മ്മ​ദ്​ ബി​ൻ റാഷിദ് ​അ​ൽ മ​ക്തൂം തന്റെ ട്വിറ്ററിലൂടെയാണ് നന്ദി രേഖപ്പെടുത്തിയത്.

ലോകത്തിലെ മുസ്ലിം സമൂഹത്തെ പിടിച്ചു കുലുക്കിയ ഭീ​ക​രാ​ക്ര​മ​ണ​ത്തി​ൽ, ഇരകളോടൊപ്പം നിന്ന് അനുകമ്പയും സഹായവും നൽകിയ ന്യൂ​സി​ലാ​ൻഡ്​ ജ​ന​ത​യും പ്ര​ധാ​ന​മ​ന്ത്രി ജ​സീ​ന്തയും, ലോ​ക​ത്തെ കോടിക്കണക്കിന് വരുന്ന മുസ്ലിം വി​ശ്വാ​സി​ക​ളു​ടെ ബ​ഹു​മാനം നേടിയിരിക്കുകയാണെന്ന് ​അ​ദ്ദേ​ഹം അഭിപ്രായപ്പെട്ടു.

ന്യൂ​സി​ലാൻഡി​നോടുള്ള ആ​ദ​ര സൂ​ച​ക​മാ​യി ബു​ർ​ജ്​ ഖ​ലീ​ഫ കെട്ടിടത്തിൽ ഇ​ന്ന​ലെ ജ​സീ​ന്ത ആ​ർ​ഡേ​ണിന്റെ ചി​ത്രം തെ​ളി​യിച്ചിരുന്നു. അ​ക്ര​മ​ത്തി​ൽ ഇ​ര​യാ​യ​ വ്യക്തിയെ പ്ര​ധാ​ന​മ​ന്ത്രി ജ​സീ​ന്ത നെഞ്ചോട് ചേ​ർ​ത്ത്​ നി​ൽ​ക്കു​ന്ന ചി​ത്ര​മാ​ണ് ബു​ർ​ജ്​ ഖ​ലീ​ഫയിൽ ​തെ​ളി​ഞ്ഞ​ത്. ഈ ​മാ​സം 15ന്​ ​ക്രൈ​സ്​​റ്റ്​ ച​ർ​ച്ചി​ലെ മുസ്ലിം പ​ള്ളി​യി​ലു​ണ്ടാ​യ ഭീകരവാദി നടത്തിയ വെടിവയ്പ്പിൽ ജുമാനിസ്കാരത്തിന് എത്തിയ 50 പേ​രാ​ണ്​​ കൊ​ല്ല​പ്പെ​ട്ട​ത്.