ഹുബ്ബള്ളി, കർണ്ണാടക:
ഹൃദയാഘാതത്തെ തുടര്‍ന്ന് കർണ്ണാടക മന്ത്രി സി.എസ് ശിവള്ളി (57) അന്തരിച്ചു. ഹുബ്ബള്ളിയിലെ സ്വകാര്യ ആശുപത്രിയില്‍ ഇന്നു വൈകുന്നരമായിരുന്നു അന്ത്യം. ധാര്‍വാഡ് ജില്ലയിലെ കുഡ്‌ഗോള്‍ മണ്ഡലത്തില്‍ നിന്നുള്ള കോണ്‍ഗ്രസ് എം.എല്‍.എയായിരുന്നു അദ്ദേഹം. മൂന്നു തവണയാണ് ശിവള്ളി കുഡ്‌ഗോളില്‍ നിന്നു നിയമസഭയില്‍ എത്തിയത്. 2008 ലാണ് ശിവള്ളി കോണ്‍ഗ്രസ്സില്‍ ചേര്‍ന്നത്. പിന്നീട് 2013 ലും 2018 ലും കോണ്‍ഗ്രസ് ബാനറില്‍ ശിവള്ളി നിയമസഭയിലെത്തി.
