കാര്‍ഷിക വായ്പകള്‍ക്ക് മൊറട്ടോറിയം: സര്‍ക്കാര്‍ തീരുമാനങ്ങള്‍ ബാങ്കുകള്‍ അംഗീകരിച്ചു

തിരുവനന്തപുരം:

ക​ര്‍​ഷ​ക​ര്‍ എ​ടു​ത്തി​ട്ടു​ള്ള കാ​ര്‍​ഷി​ക, കാ​ര്‍​ഷി​കേ​ത​ര വാ​യ്പ​ക​ളു​ടെ ജ​പ്തി ന​ട​പ​ടി​ക​ള്‍ നി​ര്‍​ത്തി​വ​യ്ക്കാ​ന്‍ തീ​രു​മാനം. മു​ഖ്യ​മ​ന്ത്രി വി​ളി​ച്ചു ചേ​ര്‍​ത്ത സം​സ്ഥാ​ന​ത​ല ബാ​ങ്കേ​ഴ്സ് സ​മി​തി​യു​ടെ യോ​ഗ​ത്തി​ലാ​ണ് തീ​രു​മാ​നം. ക​ര്‍​ഷ​ക​രു​ടെ വാ​യ്പ​ക​ളി​ല്‍ ഒ​രു വ​ര്‍​ഷ​ത്തേ​ക്ക് സ​ര്‍​ഫാ​സി നി​യ​മം ചു​മ​ത്തി​ല്ലെ​ന്നും ബാ​ങ്കേ​ഴ്സ് സ​മി​തി അ​റി​യി​ച്ചു.

കാര്‍ഷിക വായ്പയുമായി ബന്ധപ്പെട്ട സര്‍ക്കാര്‍ തീരുമാനങ്ങള്‍, ബാങ്കുകള്‍ തത്വത്തില്‍ അംഗീകരിച്ചതായി കൃഷി മന്ത്രി വി.എസ്. സുനില്‍ കുമാര്‍ അറിയിച്ചു. കര്‍ഷകര്‍ എടുത്ത എല്ലാ വായ്പകള്‍ക്കും മൊറട്ടോറിയം അനുവദിക്കും. വാണിജ്യ പൊതുമേഖലാ ബാങ്കുകളെ, കടാശ്വാസ കമ്മീഷന്റെ പരിധിയില്‍ കൊണ്ടുവരുന്നതിനെ ബാങ്കുകള്‍ സ്വാഗതം ചെയ്തതായും മന്ത്രി വ്യക്തമാക്കി.

ഡി​സം​ബ​ര്‍ 31 വ​രെ​യാ​ണ് ക​ര്‍​ഷ​ക​രു​ടെ വാ​യ്പ​ക​ള്‍​ക്കു മൊ​റ​ട്ടോ​റി​യം പ്ര​ഖ്യാ​പി​ച്ചി​രി​ക്കു​ന്ന​ത്. ഇ​തി​ന് അ​നു​മ​തി​ക്കാ​യി സ​ര്‍​ക്കാ​ര്‍, ആ​ര്‍​.ബി.​ഐ​യെ സ​മീ​പി​ക്കും. വ​രു​ന്ന 12 ന് ​കൃ​ഷി മ​ന്ത്രി ആ​ര്‍​.ബി.​ഐ പ്ര​തി​നി​ധി​ക​ളു​മാ​യി ച​ര്‍​ച്ച ന​ട​ത്താ​നും തീ​രു​മാ​ന​മാ​യി. മൊറട്ടോറിയം കാലയളവില്‍ ജപ്തി നടപടികള്‍ ഉണ്ടാകില്ലെന്നും, ബാങ്കുകള്‍ ഉറപ്പു നല്‍കിയിട്ടുണ്ട്.

കടാശ്വാസം രണ്ടു ലക്ഷം ആക്കിയതും, ബാങ്കേ‍ഴ്സ് സമിതി അംഗീകരിച്ചു. എന്നാല്‍ അന്തിമ അനുമതി റിസര്‍വ് ബാങ്കിന്റെ അനുമതി ലഭിച്ച ശേഷമാകുമെന്നും മന്ത്രി കൂട്ടിച്ചേര്‍ത്തു. ഇതിനായി ഉടന്‍ റിസര്‍വ് ബാങ്കിന്റെ അനുമതി വാങ്ങും. ഒരു വര്‍ഷത്തേയ്ക്ക് കാര്‍ഷികേതര വായ്പകള്‍ക്കും ജപ്തിയുണ്ടാകില്ല. വായ്പ്പകളില്‍ ഒരു വര്‍ഷത്തേയ്ക്ക് സര്‍ഫാസി അനുവദിക്കില്ലെന്നും മന്ത്രി വ്യക്തമാക്കി.

സ​ര്‍​ക്കാ​ര്‍ ന​ട​പ​ടി​ക​ള്‍ വി​ശ​ദീ​ക​രി​ക്കാ​ന്‍, എ​ല്ലാ പ​ഞ്ചാ​യ​ത്തു​ക​ളി​ലും ബാ​ങ്ക് പ്ര​തി​നി​ധി​ക​ളെ ഉ​ള്‍​പ്പെ​ടു​ത്തി യോ​ഗം വി​ളി​ക്കു​മെ​ന്നും കൃ​ഷി​മ​ന്ത്രി അ​റി​യി​ച്ചു. ബാ​ങ്കു​ക​ള്‍, ജ​പ്തി നോ​ട്ടീ​സ് അ​യ​യ്ക്കു​ന്ന​തി​നെ​ത്തു​ട​ര്‍​ന്ന് ക​ര്‍​ഷ​ക ആ​ത്മ​ഹ​ത്യ​ക​ള്‍ വ​ര്‍​ദ്ധി​ച്ച സാ​ഹ​ച​ര്യ​ത്തി​ലാ​ണ്, ക​ര്‍​ഷ​ക​രു​ടെ വാ​യ്പ​ക​ള്‍​ക്കു മോ​റ​ട്ടോ​റി​യം പ്ര​ഖ്യാ​പി​ക്കാ​ന്‍ സ​ര്‍​ക്കാ​ര്‍ തീ​രു​മാ​നി​ച്ച​ത്.

കാ​ര്‍​ഷി​ക ക​ടാ​ശ്വാ​സ ക​മ്മീ​ഷ​ന്‍, 50,000 രൂ​പ മു​ത​ല്‍ ഒ​രു ല​ക്ഷം വ​രെ​യു​ള്ള കു​ടി​ശ്ശി​ക​യ്ക്കു ന​ല്‍​കു​ന്ന ആ​നു​കൂ​ല്യം, ര​ണ്ടു​ല​ക്ഷം രൂ​പ​യാ​ക്കി ഉ​യ​ര്‍​ത്താ​നും തീ​രു​മാ​നി​ച്ചി​ട്ടു​ണ്ട്. ഇ​ടു​ക്കി, വ​യ​നാ​ട് ജി​ല്ല​ക​ളി​ല്‍ കാ​ര്‍​ഷി​ക ക​ടാ​ശ്വാ​സ ക​മ്മീ​ഷ​ന്റെ ആ​നു​കൂ​ല്യം, 2018 ഓ​ഗ​സ്റ്റ് 31 വ​രെ​യു​ള്ള വാ​യ്പ​ക​ള്‍​ക്ക് ബാ​ധ​ക​മാ​ക്കും. മ​റ്റു ജി​ല്ല​ക​ളി​ല്‍ 2014 മാ​ര്‍​ച്ച്‌ 31 വ​രെ​യു​ള്ള വാ​യ്പ​ക​ള്‍​ക്ക് ക​മ്മീ​ഷ​ന്റെ ആ​നു​കൂ​ല്യം ല​ഭി​ക്കും.

ഇ​ടു​ക്കി, വ​യ​നാ​ട് ജി​ല്ല​ക​ളി​ലെ കൃ​ഷി​ക്കാ​ര്‍​ക്ക് 2014 മാ​ര്‍​ച്ച്‌ 31 വ​രെ​യും, മ​റ്റു​ജി​ല്ല​ക​ളി​ല്‍ 2011 ഒ​ക്ടോ​ബ​ര്‍ 31 വ​രെ​യു​മാ​ണ്, ആ​നു​കൂ​ല്യം ല​ഭി​ച്ചി​രു​ന്ന​ത്. ജ​പ്തി ന​ട​പ​ടി​ക​ള്‍​ക്ക് നേ​ര​ത്തേ മോ​റ​ട്ടോ​റി​യം പ്ര​ഖ്യാ​പി​ച്ചി​രു​ന്നെ​ങ്കി​ലും പ​ല ബാ​ങ്കു​ക​ളും ജ​പ്തി ന​ട​പ​ടി​ക​ളി​ലേ​ക്കു ക​ട​ക്കു​ന്ന സാ​ഹ​ച​ര്യ​ത്തി​ലാ​ണ് സ​ര്‍​ക്കാ​ര്‍ തീ​രു​മാ​നം.