തിരുവനന്തപുരം രാജീവ്ഗാന്ധി ക്യാമ്പസിന് ഗോൾവാൾക്കറുടെ പേര്; വ്യാപക പ്രതിഷേധം

തിരുവനന്തപുരം:

രാജീവ്ഗാന്ധി സെൻറർ ഫോർ ബയോടെക്നോളജിയിലെ പുതിയ കാമ്പസിന്​​ ആർഎസ്എസ് സൈദ്ധാന്തികൻ ഗോൾവാൾക്കറുടെ പേരിട്ടതിനെതിരെ വ്യാപക പ്രതിഷേധം.

കഴിഞ്ഞദിവസം സെൻററുമായി ബന്ധപ്പെട്ട്​ നടന്ന വെബിനാറിൽ കേന്ദ്ര ശാസ്​ത്ര  സാ​ങ്കേതിക വകുപ്പ്​ മന്ത്രി ഹർഷ വർദ്ധനാണ്​ നാമകരണം പ്രഖ്യാപിച്ചത്​. ശ്രീ ഗുരുജി മാധവ സദാശിവ ഗോൾവാൾക്കർ നാഷനൽ സെൻറർ ഫോർ കോംപ്ലക്​സ്​  ഡിസീസ്​ കാൻസർ ആൻഡ്​ വൈറൽ ഇൻഫെക്ഷൻ എന്നാകും പേര്​.

യാതൊരുവിധ മുന്നറിയിപ്പുമില്ലാതെയാണ്​ ഇതിൻെറ പേര്​ മന്ത്രി പ്രഖ്യാപിച്ചത്. മുൻ ​പ്രധാനമന്ത്രി രാജീവ്​ ഗാന്ധിയുടെ പേരിലുള്ള സ്​ഥാപനത്തിൻെറ ഭാഗമായുള്ള കാമ്പസിന്​ ആർഎസ്​എസ്​ നേതാവിൻെറ പേരിടുന്നത്​ വിമർശനത്തിനിടയാക്കിയത്.

രാജ്യത്തെ ബയോടെക്​നോളജി മേഖലയിലെ ഗവേഷണങ്ങളുടെ ​പ്രധാന കേന്ദ്രം കൂടിയാണിത്. ആർഎസ്​എസ്​ നേതാവിൻെറ പേര്​ നൽകിയത്​​ അംഗീകരിക്കാനാവില്ലെന്ന്​ ശബരിനാഥ്​ എംഎൽഎ പറഞ്ഞു. ബയോടെക്​നോളജി മേഖലയിലെ​ ശാസ്​ത്രജ്​ഞരുടെ  പേരാണ്​ നൽകേണ്ടിയിരുന്നത്​. ബിജെപിയും ആർഎസ്​എസും മറ്റു  സംസ്​ഥാനങ്ങളിൽ ചെയ്യുന്നത്​ കേരളത്തിലും നടപ്പാക്കുകയാണെന്നും അദ്ദേഹം ആരോപിച്ചു.

അവ്യക്തനായ ഒരു പ്രത്യയശാസ്ത്രഞ്ജന്റെ പേരല്ല മറിച്ച് തിരുവനന്തപുരം സ്വദേശി തന്നെയായ പ്രശസ്‌ത ബാക്ടീരിയോളജിസ്റ്റും സാമൂഹിക പരിവർത്തകനുമായ ഡോ. പൽപ്പുവിന്റെ പേരായിരുന്നു ക്യാമ്പസിന് നൽകേണ്ടിയിരുന്നതെന്ന് ശശി തരൂർ എംപി ട്വിറ്ററിൽ കുറിച്ചു.

https://www.youtube.com/watch?v=JOu6qTTCPP8