Reading Time: < 1 minute

തി​രു​വ​ന​ന്ത​പു​രം:

രാജ്യത്തെ നിയമ വിദ്യാഭ്യാസത്തിന്റെ പിതാവും, നാ​ഷ​ണ​ൽ ലോ ​സ്കൂ​ൾ ഓ​ഫ് ഇ​ന്ത്യ​യു​ടെ സ്ഥാ​പ​ക ഡ​യ​ക്ട​റും, നി​യ​മ​പ​ണ്ഡി​ത​നു​മാ​യ ഡോ. ​എ​ൻ.​ആ​ർ. മാ​ധ​വ​മേ​നോ​ൻ (84) അ​ന്ത​രി​ച്ചു. തി​രു​വ​ന​ന്ത​പു​ര​ത്തെ അനന്തപുരി ആ​ശു​പ​ത്രി​യി​ലാ​യി​രു​ന്നു അ​ന്ത്യം. വാ​ർ​ധ​ക്യ​സ​ഹ​ജ​മാ​യ അ​സു​ഖ​ങ്ങ​ളെ തു​ട​ർ​ന്ന് ചി​കി​ത്സ​യി​ലാ​യി​രു​ന്നു. സം​സ്കാ​രം ബു​ധ​നാ​ഴ്ച ഉ​ച്ച​യ്ക്ക് ശാ​ന്തി​ക​വാ​ട​ത്തി​ൽ.

തിരുവനന്തപുരം സ്വദേശിയായ മാധവമേനോൻ കേരളത്തിൽ നിന്നും നിയമ പഠനം പൂർത്തിയാക്കിയ ശേഷം 1955 ഇൽ അഭിഭാഷകൻ ആയാണ് അദ്ദേഹം ഔദോഗിക ജീവിതം ആരംഭിച്ചത്. ഡൽഹിയിൽ ജോലി ചെയ്യുന്നതിനിടെ അദ്ദേഹം അലിഗഡ് യൂണിവേഴ്‌സിറ്റിയിൽ നിന്നും നിയമത്തിൽ പി.എച്ച്.ഡി നേടിയ ആദ്യ വ്യക്തിയായി. തുടർന്ന് അദ്ദേഹം അലിഗഡ് യൂണിവേഴ്‌സിറ്റിയിലും, ദൽഹി യൂണിവേഴ്സിറ്റിയിലും പ്രൊഫസർ ആയി ജോലിചെയ്തു.

ഡൽഹിയിൽ ജോലി ചെയ്യുമ്പോൾ 1972 ഇൽ മാധവമേനോൻ ദേശീയ തലത്തിൽ നിയമ അധ്യാപകരുടെ കോൺഫറൻസ് സംഘടിപ്പിച്ചു. തുടർന്ന് അദ്ദേഹം ആൾ ഇന്ത്യ ലോ ടീച്ചേഴ്സ് അസോസിയേഷന്റെ ജനറൽ സെക്രട്ടറിയായി. ഇന്ദിര ഗാന്ധിയുടെ ‘ഗരീബി ഹഡാവോ” പദ്ധതിയിലും അദ്ദേഹം സഹകരിച്ചിരുന്നു. പോണ്ടിച്ചേരി ലോ കോളേജ് പ്രിൻസിപ്പാൾ ആയും അദ്ദേഹം സേവനം അനുഷ്‌ഠിച്ചു. തുടർന്ന് അദ്ദേഹം ബാംഗ്ലൂരിലെ നാഷണൽ ലോ അക്കാദമിയിൽ 12 വർഷത്തോളം ഡയറക്ടർ ആയിരുന്നു.

1998 ഇൽ പശ്ചിമ ബംഗാൾ സർക്കാരിന്റെ ക്ഷണപ്രകാരം അദ്ദേഹം വെസ്റ്റ് ബംഗാൾ യൂണിവേഴ്‌സിറ്റി ഓഫ് ജുഡീഷ്യൽ സയൻസിന്റെ വൈസ് ചാൻസലർ ആയി. തുടർന്ന് സുപ്രീം കോടതി നിർദ്ദേശ പ്രകാരം ഭോ​പ്പാ​ലി​ൽ പുതുതായി ആരംഭിച്ച നാ​ഷ​ണ​ൽ ജു​ഡീ​ഷ​ൽ അ​ക്കാ​ദ​മി​യു​ടെ ആ​ദ്യ ഡ​യ​റ​ക്ട​റാ​യി വിരമിക്കുന്നത് വരെ പ്ര​വ​ർ​ത്തി​ച്ചു.
റിട്ടയർമെന്റിനു ശേഷവും കേന്ദ്ര സർക്കാരിന്റെ വിവിധ തസ്തികകളിൽ അദ്ദേഹം പ്രവർത്തിച്ചിരുന്നു. കൊൽക്കത്തയിലെ ഇന്ത്യൻ സ്റ്റാറ്റിക്കൽ ഇൻസ്റ്റിറ്റ്യൂട്ട് ചെയർമാൻ, തിരുവനന്തപുരത്തെ സെന്റർ ഫോർ ഡെവലപ്‌മെന്റ് സ്റ്റഡീസ് ചെയർമാൻ, ബിലാസ്പൂരിലെ ഗുരു ഗാസിദാസ് സർവകലാശാല വൈസ് ചാൻസലർ എന്നീ തസ്തികകളിലും അദ്ദേഹം പ്രവർത്തിച്ചു.

2003-ൽ ​രാ​ജ്യം പ​ത്മ​ശ്രീ ന​ൽ​കി ആ​ദ​രി​ച്ചു. നി​യ​മ​വു​മാ​യി ബ​ന്ധ​പ്പെ​ട്ട് “ലോ ആൻഡ് പ്രോപ്പർട്ടി” ഉൾപ്പടെ ഒ​ട്ടേ​റെ പു​സ്ത​ക​ങ്ങളും മാധവമേനോൻ ര​ചി​ച്ചി​ട്ടു​ണ്ട്. സാമൂഹ്യ പ്രവർത്തന രംഗത്തും അദ്ദേഹം സജീവമായിരുന്നു

Advertisement

Leave a Reply

avatar
  Subscribe  
Notify of