സിപിഎം ജനറൽ സെക്രട്ടറി സീതാറാം യെച്ചൂരി ( Screen-grab, Copyrights: https://akm-img-a-in.tosshub.com/indiatoday)
Reading Time: < 1 minute
കൊൽക്കത്ത:

 
രാജ്യത്ത് മറ്റു സംസ്ഥാനങ്ങളിൽ എൻആർസി നടപ്പിലാക്കിയാൽ ബി‌ജെ‌പിയും ആർ‌എസ്‌എസും തങ്ങളുടെ ഭിന്നിപ്പിക്കുന്ന “സാമുദായിക അജണ്ട” ക്കായി അത് ഉപയോഗിക്കാൻ ശ്രമിക്കുകയും, ഭീകരതയും അവിശ്വാസവും വളർത്തിയെടുത്ത് രാജ്യത്തിന്റെ മതേതര വസ്‌തുതകൾ നശിപ്പിക്കുകയും ചെയ്യുമെന്ന് സിപിഎം ജനറൽ സെക്രട്ടറി സീതാറാം യെച്ചൂരി വ്യാഴാഴ്ച പറഞ്ഞു.

“നരേന്ദ്ര മോദിയുടെ നേതൃത്വത്തിലുള്ള ബിജെപി സർക്കാർ എൻ‌ആർ‌സി പ്രക്രിയ രാജ്യത്തുടനീളം വ്യാപിപ്പിക്കുന്നതിന് ഇപ്പോൾ ശ്രമിക്കുന്നു. ചില വിഭാഗങ്ങളെ സമൂഹത്തിൽ  ധ്രുവീകരിക്കുകയെന്ന ലക്ഷ്യത്തോടെയാണ് ഇത് ചെയ്യുന്നത്. അതുവഴി ഹിന്ദുത്വ വോട്ട് ബാങ്ക് ഏകീകരിക്കുകയാണ് ബിജെപി -ആർഎസ്എസ് ലക്ഷ്യം” യെച്ചൂരി പറഞ്ഞു.

യു‌എസ്‌എസ്ആറിന്റെ ഭാഗമായ താഷ്‌കന്റിൽ വച്ച് നടന്ന കമ്മ്യൂണിസ്റ്റ് പാർട്ടി ഓഫ് ഇന്ത്യയുടെ നൂറാം വാർഷികാഘോഷ പരിപാടിയിൽ സംസാരിക്കുകയായിരുന്നു യെച്ചൂരി.

ദേശീയ പൗരത്വ രജിസ്റ്ററിലും, 2019 ലെ നിർദ്ദിഷ്ട പൗരത്വ (ഭേദഗതി) ബില്ലിലും സാമുദായിക അഭിനിവേശം വളർത്തിയതിന് സംഘപരിവാറിനും ബിജെപിക്കുമെതിരെ അദ്ദേഹം ആഞ്ഞടിച്ചു.

സ്വാതന്ത്ര്യസമരത്തിന്റെ നാളുകളിൽ നിന്ന് ഉരുത്തിരിഞ്ഞ ഇന്ത്യൻ ദേശീയ സിദ്ധാന്തങ്ങളെ അട്ടിമറിച്ചുകൊണ്ട് ഹിന്ദു ദേശീയതയുടെ ബ്രാൻഡ് പ്രചരിപ്പിച്ചതിന് ഭാരതീയ ജനതാ പാർട്ടിയെ യെച്ചൂരി വിമർശിച്ചു.

സാമുദായിക ശക്തികൾ തങ്ങളുടെ പ്രവർത്തനങ്ങൾ വർദ്ധിപ്പിച്ചുകൊണ്ട്  സാമുദായിക അഭിനിവേശം വളർത്തുകയാണ് ചെയ്യുന്നത്,” അദ്ദേഹം കൂട്ടിച്ചേർത്തു.

ആരാണ് ഇന്ത്യൻ പൗരൻ, ആരാണ് അല്ലാത്തത് എന്നു തീരുമാനിക്കേണ്ടത് ബിജെപി ആണോ എന്നും അദ്ദേഹം പരിഹസിച്ചു.

Advertisement