ഹൈദരാബാദ്:
മലയാളിയായ ഐഎസ്‌ആര്‍ഒ ശാസ്ത്രജ്ഞനെ ഹൈദരാബാദില്‍ മരിച്ച നിലയില്‍ കണ്ടെത്തി. ഐഎസ്‌ആര്‍ഒയുടെ റിമോട്ട് സെന്‍സിംഗ് സെന്ററിൽ ഉദ്യോഗസ്ഥനായിരുന്ന എസ് സുരേഷിനെയാണ് അമീര്‍പേട്ടിലെ ഫ്ലാറ്റില്‍ മരിച്ച നിലയില്‍ കണ്ടെത്തിയത്. കൊലപാതകമെന്നു സംശയിക്കപ്പെടുന്നു.
കഴിഞ്ഞ 20 വര്‍ഷമായി ഹൈദരാബാദില്‍ സ്ഥിരതാമസക്കാരനാണ് സുരേഷ്. ഭാര്യ ഇന്ദിര ബാങ്ക് ഉദ്യോഗസ്ഥയാണ്. അവർ ചെന്നൈയിലാണ് താമസിക്കുന്നത്. മകന്‍ യുഎസിലും മകള്‍ ന്യൂഡല്‍ഹിയിലുമാണ്.
സംഭവത്തില്‍ പോലീസ് അന്വേഷണം തുടങ്ങി.