കൊ​ണ്ടോ​ട്ടി വൈ​ദ്യ​ർ അ​ക്കാ​ദ​മി മ്യൂ​സി​യം; രണ്ടാംഘട്ട നവീകരണം പൂർത്തിയായി

കൊ​ണ്ടോ​ട്ടി:

വ്യാ​ജ പു​രാ​വ​സ്തു​ക്ക​ൾ ക​ളം നി​റ​യു​ന്ന കാ​ല​ത്ത് കാ​ഴ്​​ച​യു​ടെ കൗ​തു​കം നി​റ​ക്കു​ക​യാ​ണ് കൊ​ണ്ടോ​ട്ടി വൈ​ദ്യ​ർ അ​ക്കാ​ദ​മി മ്യൂ​സി​യം. മ്യൂ​സി​യ​ത്തി​ന​ക​ത്ത് ക​ട​ന്നാ​ൽ കാ​ഴ്ച​ക്കാ​രു​ടെ ഓ​ർ​മ​ക​ൾ വ​ർ​ഷ​ങ്ങ​ൾ പി​ന്നോ​ട്ട് സ​ഞ്ച​രി​ക്കും. പൂ​ർ​വി​ക​രു​ടെ ജീ​വി​ത​ത്തെ അ​ട​യാ​ള​പ്പെ​ടു​ത്തി​യ ഒ​രു​പി​ടി പു​രാ​വ​സ്തു​ക്ക​ൾ ക​ണ്ടി​റ​ങ്ങാം.

പു​രാ​വ​സ്തു വ​കു​പ്പ് പ​രി​ശോ​ധി​ച്ച് സാ​ക്ഷ്യ​പ്പെ​ടു​ത്തി​യ​വ​യെ​ന്ന് അ​ക്കാ​ദ​മി​യു​ടെ ഉ​റ​പ്പ്.പു​തു​ത​ല​മു​റ​ക്ക് അ​ന്യ​മാ​യ പ​ഴ​യ കാ​ർ​ഷി​ക സം​സ്​​കൃ​തി​യു​ടെ ഭാ​ഗ​മാ​യ നു​കം, പ​റ, ഏ​ത്ത​ക്കൊ​ട്ട, പോ​സ്​​റ്റ്​ ഓ​ഫി​സ് ത്രാ​സു​ക​ൾ, വി​വി​ധ​ത​രം തി​ലാ​ൻ, താ​ളി​യോ​ല​ക​ൾ, ടൈ​പ്​റൈ​റ്റ​ർ, റെ​യി​ൽ​വേ റാ​ന്ത​ൽ, ആ​ദ്യ​കാ​ല​ത്തെ കാ​മ​റ, വാ​ൽ​വ് റേ​ഡി​യോ, വി​വി​ധ രാ​ജ്യ​ങ്ങ​ളി​ലെ നാ​ണ​യ​ങ്ങ​ൾ, സു​റു​മ​ച്ചെ​പ്പ്, വാ​ദ്യോ​പ​ക​ര​ണ​ങ്ങ​ൾ, ആ​യു​ധ​ങ്ങ​ൾ തു​ട​ങ്ങി വ​ർ​ഷ​ങ്ങ​ൾ പ​ഴ​ക്ക​മു​ള്ള ഒ​ട്ട​ന​വ​ധി പു​രാ​വ​സ്തു​ക്ക​ളാ​ണ് മ്യൂ​സി​യ​ത്തി​ലു​ള്ള​ത്.ച​രി​ത്ര വി​ദ്യാ​ർത്ഥിക​ൾ​ക്ക​ട​ക്കം ഏ​റെ ഗു​ണം ചെ​യ്യു​ന്ന വി​വി​ധ ഗ്ര​ന്ഥ​ങ്ങ​ളും ഇ​വി​ടെ​യു​ണ്ട്.

മ​രി​ച്ച ലോ​ക സ​ഞ്ചാ​രി മൊ​യ്തു കി​ഴി​ശ്ശേ​രി മു​പ്പ​തോ​ളം രാ​ജ്യ​ങ്ങ​ളി​ൽ​നി​ന്നും സ്വ​ദേ​ശ​ത്തു​നി​ന്നും ശേ​ഖ​രി​ച്ച​വ​യാ​ണ് അ​ക്കാ​ദ​മി മ്യൂ​സി​യ​ത്തി​ലു​ള്ള​ത്. 65 ല​ക്ഷം രൂ​പ ന​ൽ​കി​യാ​ണ് ഇ​വ സ്വ​ന്ത​മാ​ക്കി​യ​ത്. ഇ​തി​ന്​ പു​റ​മെ 1921ലെ ​മ​ല​ബാ​ർ സ​മ​ര​ത്തി‍‍െൻറ നേ​ർ​ചി​ത്ര​ങ്ങ​ളും മ്യൂ​സി​യ​ത്തി​ലു​ണ്ട്. ബ്രി​ട്ടീ​ഷു​കാ​ർ അ​റ​സ്​​റ്റ്​ ചെ​യ്ത​വ​രെ വി​ട്ടു​കി​ട്ടാ​ൻ ആ​ലി മു​സ്​​ലി​യാ​രും അ​നു​യാ​യി​ക​ളും നി​രാ​യു​ധ​രാ​യി പ​ട്ടാ​ള​ത്തി​ന് മു​ന്നി​ൽ നി​ൽ​ക്കു​ന്ന​തും ആ​ലി മു​സ്​​ലി​യാ​രെ ജ​യി​ലി​ലേ​ക്ക് കൊ​ണ്ടു​പോ​കു​ന്ന​തും ഉ​ൾ​പ്പെ​ടെ സ​മ​ര​ത്തി‍‍െൻറ സം​ഭ​വ​ബ​ഹു​ല​മാ​യ ച​രി​ത്രം ഓ​ർ​മി​പ്പി​ക്കു​ന്ന നൂ​റോ​ളം ചി​ത്ര​ങ്ങ​ളാ​ണ് അ​ക്കാ​ദ​മി ഗാ​ല​റി​യി​ലു​ള്ള​ത്.