ബെംഗളൂരു: കര്ണാടകയിലെ പുതിയ സര്ക്കാരിന്റെ സത്യപ്രതിജ്ഞാ ചടങ്ങില് മുഖ്യമന്ത്രി പിണറായി വിജയന് ക്ഷണമില്ല. ബിജെപി ഇതര മുഖ്യമന്ത്രിമാരെ സത്യപ്രതിജ്ഞാ ചടങ്ങിലേക്ക് ക്ഷണിക്കാന് കോണ്ഗ്രസ് നേതൃത്വം തീരുമാനിക്കുകയായിരുന്നു. അതേസമയം സിപിഎം ജനറല് സെക്രട്ടറി സീതാറാം യെച്ചൂരിയെയും സിപിഐ നേതാവ് ഡി രാജയെയും കോണ്ഗ്രസ് ദേശീയ അധ്യക്ഷന് മല്ലികാര്ജ്ജുന് ഖര്ഗെ ക്ഷണിച്ചു. മറ്റ് കോണ്ഗ്രസ് മുഖ്യമന്ത്രിമാര്ക്ക് പുറമെ ജാര്ഖണ്ഡ് മുഖ്യമന്ത്രി ഹേമന്ത് സോറന്, തമിഴ്നാട് മുഖ്യമന്ത്രി എംകെ സ്റ്റാലിന്, തെലങ്കാന മുഖ്യമന്ത്രി കെ ചന്ദ്രശേഖര് റാവു, പശ്ചിമ ബംഗാള് മുഖ്യമന്ത്രി മമത ബാനര്ജി, ഒഡീഷ മുഖ്യമന്ത്രി നവീന് പട്നായിക് എന്നിവരെയും സത്യപ്രതിജ്ഞാ ചടങ്ങിലേക്ക് ക്ഷണിക്കും. സമാജ്വാദി പാര്ട്ടി അധ്യക്ഷന് അഖിലേഷ് യാദവ്, എന്സിപി അധ്യക്ഷന് ശരദ് പവാര്, മഹാരാഷ്ട്ര മുന് മുഖ്യമന്ത്രി ഉദ്ധവ് താക്കറെ, ബിഹാര് ഉപ മുഖ്യമന്ത്രി തേജസ്വി യാദവ്, ജമ്മു കശ്മീരിലെ നാഷണല് കോണ്ഫറന്സ് മേധാവി ഫാറൂഖ് അബ്ദുള്ള, എന്നിവരെയും ചടങ്ങിലേക്ക് ക്ഷണിച്ചിട്ടുണ്ട്. പിണറായി വിജയന് പുറമെ അരവിന്ദ് കെജ്രിവാളിനും ഇതുവരെ ക്ഷണമില്ല.
കര്ണാടക സത്യപ്രതിജ്ഞ ചടങ്ങ്: പിണറായിക്ക് ക്ഷണമില്ല
ByShilpa Indhu
May 19, 2023 #Congress, #Karnataka Government, #oath taking ceremony, #Pinarayi VijayanBy Shilpa Indhu
വോക്ക് മലയാളത്തില് ഡിജിറ്റല് ജേണലിസ്റ്റ്. കേരള മീഡിയ അക്കാദമിയില് നിന്നും ടെലിവിഷന് ജേണലിസത്തില് പിജി ഡിപ്ലോമ. റെഡ്സ്പോട്ട് ന്യൂസ്, പ്രസ് ഫോര് ന്യൂസ്, രാജ് ന്യൂസ് മലയാളം എന്നിവിടങ്ങളില് പ്രവര്ത്തന പരിചയം