കറാച്ചി:
പാക് സൈനിക മേധാവി ജനറൽ ഖമർ ജാവേദ് ബാജ്വ രാജിവെക്കണമെന്നാവശ്യപ്പെട്ട് കത്തയച്ച റിട്ട മേജർ ജനറലിൻ്റെ മകന് അഞ്ചുവർഷം തടവ്. റിട്ട മേജർ ജനറൽ സഫർ മെഹ്ദി അസ്കരിയുടെ മകൻ ഹസൻ അസ്കരിയെയാണ് രാജ്യദ്രോഹക്കുറ്റം ചുമത്തി പാക് സൈനിക കോടതി ശിക്ഷിച്ചത്.
ബാജ്വയെ വീണ്ടും സൈനിക മേധാവിയായി തെരഞ്ഞെടുത്തതിനെ വിമർശിച്ചുകൊണ്ട് അദ്ദേഹത്തിന് കത്തെഴുതിയ ഹസൻ രാജിവെക്കണമെന്നും ആവശ്യപ്പെട്ടു. ബി ബി സി ഉർദു സർവിസിനെ ഉദ്ധരിച്ച് ദ ന്യൂസ് ഇൻറർനാഷനൽ ആണ് ഇക്കാര്യം റിപ്പോർട്ട് ചെയ്തത്.