ഐപിഎൽ പതിനാറാം സീസണിലെ അവസാനഘട്ട മത്സരം ഇന്ന് നടക്കും.നാല് തവണ ജേതാക്കളായ ചെന്നൈ സൂപ്പർ കിംഗ്സ് നിലവിലെ ചാമ്പ്യന്മാരായ ഗുജറാത്ത് ടൈറ്റൻസുമായാണ് ഏറ്റുമുട്ടുന്നത്. രാത്രി 7.30 മുതൽ അഹമ്മദാബാദിലെ നരേന്ദ്രമോദി സ്റ്റേഡിയത്തിലാണ് ഫൈനൽ മത്സരം. ഉദ്ഘാടന മത്സരത്തിൽ ഏറ്റുമുട്ടിയ ടീമുകൾ അതേ വേദിയിൽ തന്നെ ഫൈനൽ മത്സരവും കളിക്കുകയാണ്. തുടർച്ചയായ രണ്ടാം തവണയും കിരീടം ലക്ഷ്യമിടുന്ന ഗുജറാത്തിനൊപ്പം ധോണിപ്പടയും ഐപിഎൽ കിരീട നേട്ടത്തിനായി സജ്ജമാണ്.