മാവേലിക്കരയിൽ ബലാത്സംഗക്കേസിലെ പ്രതിയായിരുന്ന കെഎസ്ആർടിസി കണ്ടക്ടറെ വെറുതെ വിട്ട് കോടതി. ബലാത്സംഗം, പട്ടികജാതി വർഗ പീഡനം എന്നീ കുറ്റങ്ങൾ ചുമത്തി പൊലീസ് രജിസ്റ്റർ ചെയ്ത കേസിലെ പ്രതി വിനോദ് കുമാറിനെയാണ് ആലപ്പുഴ ജില്ല സെഷൻസ് കോടതി വെറുതെ വിട്ടത്. സെഷൻസ് കോടതി ജഡ്ജി ജോബിൻ സെബാസ്റ്റ്യന്റേതാണ് ഉത്തരവ്. പ്രതിക്കെതിരെ ആരോപിച്ച കുറ്റങ്ങൾ നിലനിൽക്കുന്നതല്ലെന്ന് കണ്ടെത്തിയതിനെ തുടർന്നാണ് വെറുതെ വിട്ടത്. കെഎസ്ആർടിസിയിൽ എം പാനൽ കണ്ടക്ടറായിരുന്ന പ്രതി ചെങ്ങന്നൂരിൽ അധ്യാപികയായിരുന്ന യുവതിയുടെ വീട്ടിൽ അതിക്രമിച്ചുകയറി ബലാത്സംഗം ചെയ്യുകയും ജാതിപ്പേര് വിളിച്ച് ആക്ഷേപിക്കുകയും ചെയ്തുവെന്നായിരുന്നു കേസ്.
By Firdousy E R
വോക്ക് മലയാളത്തില് ഡിജിറ്റല് ജേര്ണലിസ്റ്റ് ട്രെയ്നി. ജീവന് ടി വിയില് പ്രവര്ത്തന പരിചയം.