ഹോക്ക്-115 അഡ്വാൻസ് ജെറ്റ് ട്രെയിനർ വിമാനം വാങ്ങിയതിലെ അഴിമതിയുമായി ബന്ധപ്പെട്ട് ബ്രിട്ടീഷ് എയ്‌റോസ്‌പേസ് കമ്പനിയായ റോൾസ് റോയ്‌സ് പിഎൽസി, മുൻ ഇന്ത്യൻ ഡയറക്ടർ ടിം ജോൺസ്, പിഐഒ, ആയുധ വ്യാപാരി സുധീർ ചൗധരി എന്നിവർക്കെതിരെ സിബിഐ എഫ്‌ഐആർ ഫയൽ ചെയ്തു. ബ്രിട്ടീഷ് എയ്‌റോസ്‌പേസ് സിസ്റ്റംസ്, ചൗധരിയുടെ മകൻ ഭാനു എന്നിവരെയും എഫ്‌ഐആറിൽ പ്രതി ചേർത്തിട്ടുണ്ട്. ബ്രിട്ടീഷ് എയ്‌റോസ്‌പേസ് സിസ്റ്റത്തിൽ നിന്ന് വാങ്ങേണ്ട ഹോക്ക് വിമാനങ്ങളുടെ എണ്ണം വർധിപ്പിക്കാൻ ഔദ്യോഗിക പദവി ദുരുപയോഗം ചെയ്ത് പൊതു പ്രവർത്തകരുമായി ചൗധരിയും മറ്റുള്ളവരും ക്രിമിനൽ ഗൂഢാലോചന നടത്തിയെന്ന് 2016-ൽ ആരംഭിച്ച പ്രാഥമിക അന്വേഷണത്തിൽ കണ്ടെത്തിയതിനെ തുടർന്നാണ് സിബിഐ കേസ് രജിസ്റ്റർ ചെയ്തത്.
By Anandhu S
വോക്ക് മലയാളത്തിൽ റിപ്പോർട്ടർ / ജേർണലിസ്റ്റ്. ജേർണലിസം ആൻഡ് മാസ്സ് കമ്മ്യൂണിക്കേഷനിൽ ബിരുദാനന്തര ബിരുദം കിഡ്സ്‌സി ഓൺലൈൻ മാധ്യമത്തിൽ ജേർണലിസ്റ്റായി പ്രവർത്തി പരിചയം. ട്രൂ കോപ്പി തിങ്ക് ,ന്യൂസ് 18 കേരളം എന്നിവിടങ്ങളിൽ ഇന്റേൺഷിപ്പ് പരിചയം.