മണിപ്പുരില്‍ തീവ്രവാദ ഭീഷണിയില്ലെന്ന് സംയുക്ത സേന മേധാവി

സംഘർഷം തുടരുന്ന മണിപ്പുരില്‍ തീവ്രവാദ ഭീഷണിയില്ലെന്ന് സംയുക്ത സേനാമേധാവി ജനറൽ അനില്‍ ചൗഹാൻ. മെയ്തെയ്–കുക്കി തുടങ്ങിയ രണ്ട് വിഭാവങ്ങൾ തമ്മിലുള്ള ഏറ്റുമുട്ടലായതുകൊണ്ട് തന്നെ സ്ഥിതിഗതികൾ ശാന്തമാകാൻ സമയം എടുക്കുമെന്നും അദ്ദേഹം വ്യക്തമാക്കി. കേന്ദ്ര ആഭ്യന്തര മന്ത്രി അമിത് ഷാ ഉന്നതതല യോഗം വിളിക്കുകയും സ്ഥിതിഗതികൾ വിലയിരുത്തുകയും ചെയ്തിരുന്നു. ഇതേ സമയം സംസ്ഥാനത്ത് രാഷ്ട്രപതിഭരണം ഏർപ്പെടുത്തണമെന്ന ആവശ്യവുമായി വിവിധ സംഘടനകൾ രംഗത്തെത്തുകയും ചെയ്തു. സംഘർഷം തുടരുന്ന സാഹചര്യത്തിൽ പല ഗ്രാമങ്ങളിലും ഒറ്റപ്പെട്ടുപോയവരെ രക്ഷിക്കാനുള്ള ശ്രമം കരസേന ആരംഭിച്ചിട്ടുണ്ട്.