തമിഴ്നാട്ടിൽ മന്ത്രിസഭ പുനസംഘടിപ്പിച്ചു. ക്ഷീര വികസന മന്ത്രി എസ്എം നാസർ മന്ത്രിസഭയിൽ നിന്ന് പുറത്തായി. പുനസംഘടിപ്പിച്ച മന്ത്രിസഭയിൽ മുതിര്‍ന്ന നേതാവ് ടി ആര്‍ ബാലുവിന്റെ മകന്‍ ടി ആര്‍ ബി രാജയെ ഉള്‍പ്പെടുത്തി.സ്റ്റാലിന്റെ മന്ത്രിസഭ പുനസംഘടന നിർദേശങ്ങൾ ഗവർണർ അംഗീകരിച്ചു. ടി ആര്‍ ബി രാജയുടെ സത്യപ്രതിജ്ഞാ ചടങ്ങ് വ്യാഴാഴ്ച രാവിലെ 10.30-ന് നടക്കുമെന്ന് ഗവര്‍ണറുടെ ഓഫീസ് പത്രക്കുറിപ്പില്‍ അറിയിച്ചു. 35 അംഗ മന്ത്രിസഭയാണ് നിലവില്‍ തമിഴ്നാട്ടിലുള്ളത്. ധനമന്ത്രി പളനിവേല്‍ ത്യാഗരാജനുമായി ബന്ധപ്പെട്ട വിവാദങ്ങള്‍ തമിഴ്‌നാട് രാഷ്ട്രീയത്തില്‍ വലിയ കോളിളക്കങ്ങള്‍ സൃഷ്ടിച്ചതിനു പിന്നാലെയാണ് മന്ത്രിസഭയിലെ അഴിച്ചുപണി.
By Firdousy E R
വോക്ക് മലയാളത്തില്‍ ഡിജിറ്റല്‍ ജേര്‍ണലിസ്റ്റ് ട്രെയ്‌നി. ജീവന്‍ ടി വിയില്‍ പ്രവര്‍ത്തന പരിചയം.