അരിക്കൊമ്പന്റെ ആരോഗ്യവും ചികിത്സയും സംരക്ഷണവും ഉറപ്പുവരുത്തണമെന്ന് ആവശ്യപ്പെട്ട് ട്വന്റി-20 ചീഫ് കോഓര്ഡിനേറ്റര് സാബു എം ജേക്കബ് ഹൈക്കോടതിയിൽ ഹർജി നൽകി. ആദ്യമായാണ് അരിക്കൊമ്പന്റെ ആരോഗ്യം സംരക്ഷിക്കാനായി ഒരാൾ കോടതിയെ സമീപിക്കുന്നത്. കേന്ദ്ര സർക്കാരിനൊപ്പം തമിഴ്നാട് സർക്കാരിനെയും കക്ഷി ചേർത്താണ് ഹർജി. തമിഴ്നാട് വനം വകുപ്പാണ് അരിക്കൊമ്പനെ പിടിക്കുന്നതെങ്കിൽ കേരളത്തിന് കൈമാറണമെന്നും ഹർജിയിൽ വ്യക്തമാക്കുന്നുണ്ട്.
