കാശി ക്ഷേത്രത്തിൽ പോലീ​സു​കാർക്ക് യൂ​ണി​ഫോ​മി​ന് പ​ക​രം കാ​വി വേഷം

ന്യൂ​ഡ​ൽ​ഹി: വാ​രാ​ണ​സി​യി​ലെ കാ​ശി വി​ശ്വ​നാ​ഥ ക്ഷേ​ത്ര​ത്തി​ൽ സു​ര​ക്ഷ​ക്ക്​ നി​ർത്തിയ പോലീ​സു​കാ​രെ യൂ​ണി​ഫോ​മി​ന് പ​ക​രം കാ​വി​യു​ടു​പ്പി​ച്ച്​​ യുപി സർക്കാർ. പൂ​ജാ​രി​മാ​രെ​പ്പോ​ലെ കാ​വി​യു​ടു​ത്ത്​ രു​ദ്രാ​ക്ഷ മാ​ല​യിട്ടാണ് ക്ഷേത്രത്തിൽ പോലീസുകാർ നിൽക്കുന്നത്. പു​രോ​ഹി​ത വേഷത്തിൽ പോലീസു​കാർ തീ​ർ​ഥാ​ട​ക​രെ നി​യ​ന്ത്രി​ക്കു​ന്ന​തി​ന്‍റെ വീ​ഡി​യോ പ്ര​തി​പ​ക്ഷ​മാ​യ സ​മാ​ജ്​​വാ​ദി പാ​ർ​ട്ടി പു​റ​ത്തു​വി​ട്ടു.

യൂ​​ണി​ഫോ​മി​ല്ലാ​തെ പോ​ലീ​സു​കാ​രെ നി​യോ​ഗി​ക്കു​ന്ന​തിലൂടെ വ​ലി​യ സു​ര​ക്ഷാ വി​ഷ​യം ത​ന്നെ സ​ർ​ക്കാ​ർ സൃ​ഷ്ടി​ച്ചി​രി​ക്കു​ക​യാ​ണെ​ന്ന്​ സ​മാ​ജ്​​വാ​ദി പാ​ർ​ട്ടി നേ​താ​വ്​ അ​ഖി​ലേ​ഷ്​ യാ​ദ​വ്​ പറഞ്ഞു. ഏ​ത് ​പോ​ലീ​സ്​ മാ​ന്വ​ൽ പ്ര​കാ​ര​മാ​ണ്​ പോ​ലീ​സു​കാ​രെ പു​രോ​ഹി​ത വേ​ഷം അ​ണി​യി​ച്ച​തെന്നും അ​ഖി​ലേ​ഷ്​ യാ​ദ​വ് ഉന്നയിച്ചു.

പു​രു​ഷ പോ​ലീ​സു​കാ​രെ ദോ​ത്തി​യും കു​ർ​ത്ത​യും വ​നി​ത പോ​ലീ​സു​കാ​രെ സ​ൽ​വാ​റും കു​ർ​ത്ത​യു​മാ​യി ക്ഷേ​ത്ര​ത്തി​ൽ നി​യോ​ഗി​ച്ച​ത് തീ​ർ​ഥാ​ട​ക​രു​ടെ ക്ഷേ​മം മു​ൻ​നി​ർ​ത്തി​യാ​ണെന്നാണ്​ വാ​രാ​ണ​സി പോ​ലീ​സ്​ ക​മ്മീ​ഷ​ണ​ർ മോ​ഹി​ത്​ അ​ഗ​ർ​വാ​ൾ പറഞ്ഞത്.

“അ​നാ​യാ​സ ക്ഷേ​ത്ര ദ​ർ​ശ​നം ഉ​റ​പ്പ് വ​രു​ത്താ​നും തീ​ർ​ഥാ​ട​ക​ർ​ക്ക്​ വ​ഴി​ കാണിക്കാനു​മാ​ണ്​ പോ​ലീ​സി​നെ ഇ​വി​ടെ നി​യോ​ഗി​ക്കു​ന്ന​ത്. ക്ഷേത്ര ദർശനത്തിനിടെ പോലീസ് ഉദ്യോഗസ്ഥർ തള്ളിയിടുന്നതായി തീ​ർ​ഥാ​ട​ക​ർ പരാതിപ്പെടാറുണ്ട്. എ​ന്നാ​ൽ, പു​രോ​ഹി​ത വേ​ഷ​ത്തി​ലു​ള്ള​വ​ർ അ​ത് ചെയ്താ​ൽ തീ​ർ​ഥാ​ട​ക​ർ ക്ഷ​മി​ക്കും.”, ക​മീ​ഷ​ണ​ർ കൂട്ടിച്ചേർത്തു.