ജിദ്ദ:
ഉഭയകക്ഷി തലത്തിലും അല്ലാതെയും ഇസ്ലാമിക രാജ്യങ്ങളുമായി സൗഹൃദബന്ധം സ്ഥാപിക്കലാണ് പ്രധാനമെന്ന് റഷ്യൻ പ്രസിഡൻറ് വ്ലാഡ്മിർ പുടിൻ. ഇസ്ലാമിക രാജ്യങ്ങളുമായുള്ള സൗഹൃദബന്ധം വികസിപ്പിക്കുന്നതിനും ഇസ്ലാമിക രാജ്യങ്ങളുടെ കൂട്ടായ്മയായ ഒ ഐ സിയുമായി സംഭാഷണം തുടരുന്നതിനും റഷ്യ വലിയ പ്രാധാന്യമാണ് കൽപിക്കുന്നത്.
സ്ട്രാറ്റജിക് വിഷൻ ഗ്രൂപ്പ് ജിദ്ദയിൽ സംഘടിപ്പിച്ച ‘റഷ്യയും ഇസ്ലാമിക ലോകവും’ സമ്മേളനത്തിൽ റഷ്യൻ പ്രസിഡൻറിൻ്റെ പ്രസംഗം അദ്ദേഹത്തിന് വേണ്ടി റിപബ്ലിക് ഓഫ് ടാറ്റർസ്ഥാൻ പ്രസിഡൻറ് റുസ്തം മിന്നിഖാനോവ് വായിക്കുകയായിരുന്നു. യോഗം ജിദ്ദയിൽ സംഘടിപ്പിക്കുന്നതിൽ കാണിച്ച താൽപ്പര്യത്തിന് സൽമാൻ രാജാവിന് റഷ്യൻ പ്രസിഡൻറ് നന്ദിയും അഭിനന്ദനവും അറിയിച്ചു. ഇങ്ങനെയുള്ള യോഗം സംഘടിപ്പിച്ചതിൽ സന്തോഷിക്കുന്നു. പങ്കെടുക്കുന്ന എല്ലാവർക്കും നന്ദി അറിയിക്കുന്നു.