ന്യൂഡല്‍ഹി: ബോളിവുഡ് നടന്‍ ഗോവിന്ദ ശിവസേനയില്‍ ചേര്‍ന്നു. മഹാരാഷ്ട്ര മുഖ്യമന്ത്രി ഏക്നാഥ്‌ ഷിൻഡേയുടെ നേതൃത്വത്തിലാണ് ഗോവിന്ദ ശിവസേനയില്‍ ചേര്‍ന്നത്. 14 വര്‍ഷത്തിന് ശേഷം രാഷ്ട്രീയത്തിലേക്ക് തിരിച്ചെത്തിയത് യാദൃശ്ച്യകമാണെന്ന് ശിവസേനയില്‍ ചേര്‍ന്ന ശേഷം ഗോവിന്ദ പറഞ്ഞു.
2004 ന് ശേഷം ഗോവിന്ദ ലോക്സഭാ തിരഞ്ഞെ‌ടുപ്പിൽ മത്സരിക്കാൻ ഒരുങ്ങുകയാണ്. മുംബൈ നോർത്ത് വെസ്റ്റ് സീറ്റ് ഗോവിന്ദയ്ക്ക് വാഗ്ദാനം ചെയ്തിട്ടുണ്ടെന്നാണ് സൂചന. 2004 ലെ പൊതുതെരഞ്ഞെടുപ്പിൽ മുംബൈയിൽ നിന്ന് കോൺഗ്രസ് ടിക്കറ്റില്‍ മത്സരിച്ച ഗോവിന്ദ ബിജെപിയുടെ രാം നായിക്കിനെ 50000 വോട്ടിന്റെ ഭൂരിപക്ഷത്തിൽ പരാജയപ്പെടുത്തിയിരുന്നു.
പിന്നീട് കോൺഗ്രസിൽ നിന്ന് അകന്ന ഗോവിന്ദ 2009 ല്‍ മത്സരിക്കേണ്ട എന്ന് തീരുമാനിക്കുകയായിരുന്നു.