മേപ്പാടി: മുണ്ടക്കൈ ഉരുള്‍പൊട്ടലിനെ തുടര്‍ന്ന് പടവെട്ടികുന്നില്‍ ഒറ്റപ്പെട്ട നാലുപേരെ ഫയര്‍ ആന്‍ഡ്‌ റെസ്ക്യൂ ടീം കണ്ടെത്തി. ജോണി, ജോമോള്‍, എബ്രഹാം, ക്രിസ്റ്റി എന്നിവരെയാണ് കണ്ടെത്തിയത്. ഒരാളുടെ കാലിന് ആരോഗ്യ പ്രശ്‌നം ഉണ്ടെന്ന് ഫയര്‍ ആന്‍ഡ്‌ റെസ്ക്യൂ ടീം അറിയിച്ചു.
വെള്ളാര്‍മല സ്‌കൂളിന്റെ പരിസരത്താണ് ഈ പ്രദേശമുള്ളത്ത്. വളർത്തു മൃഗങ്ങൾ ഉള്ളതിനാൽ ഇവർ വീട്ടിൽനിന്ന് മാറാൻ ശ്രമിച്ചില്ല. അയൽക്കാരാണ് വിവരം കൺട്രോൾ റൂമിൽ അറിയിച്ചത്. ജീപ്പ് മാർഗം ഇവരെ സുരക്ഷിത കേന്ദ്രത്തിലേക്ക് കൊണ്ടുപോയി.