Fri. Jul 19th, 2024

കൊച്ചി: പനമ്പിള്ളി നഗറിൽ ഫ്ലാറ്റിൽ നിന്നും അമ്മ എറിഞ്ഞുകൊന്ന നവജാത ശിശുവിന്റെ മൃതദേഹം സംസ്കരിച്ചു. പു​ല്ലേ​പ്പ​ടി ശ്മ​ശാ​ന​ത്തിലായിരുന്നു സംസ്കാരം. എ​റ​ണാ​കു​ളം സൗ​ത്ത് പോ​ലീ​സും കൊ​ച്ചി കോ​ർ​പ​റേ​ഷ​നു​മാ​ണ് ച​ട​ങ്ങു​ക​ൾ​ക്ക് നേ​തൃ​ത്വം ന​ൽ​കിയത്.

മാ​താ​പി​താ​ക്ക​ളും ബന്ധു​ക്കളും ച​ട​ങ്ങു​ക​ൾ​ക്ക് ഉണ്ടായിരുന്നില്ല. കളമശ്ശേരി മെഡിക്കൽ കോളേജിൽ നിന്നും പോലീസ് മൃതദേഹം ഏറ്റുവാങ്ങി കൊച്ചി കോർപറേഷൻ മേയർക്ക് കൈമാറിയാണ് ശ്മശാനത്തിൽ എത്തിച്ചത്.

അതേസമയം, 14 ദിവസം റിമാൻഡിലായ യുവതി ആശുപത്രിയിൽ ചികിത്സയിൽ തുടരുകയാണ്. യുവതിയെ ക​സ്റ്റ​ഡി​യി​ൽ വാ​ങ്ങി​യ ശേ​ഷം വിശദമായ മൊ​ഴി​യെ​ടു​ക്കാ​നാ​ണ് പോ​ലീ​സ് ആ​ലോ​ചി​ക്കു​ന്ന​ത്.

ഡിഎ​ൻ​എ പ​രി​ശോ​ധ​ന ന​ട​ത്താ​ൻ യു​വ​തി​യി​ൽ​ നി​ന്ന്​ സാ​മ്പി​ളു​ക​ൾ ശേ​ഖ​രി​ച്ചിട്ടുണ്ട്. കുഞ്ഞിന്‍റെ രക്തസാമ്പിൾ ശേഖരിച്ചത് ഡിഎ​ൻ​എ പരിശോധനക്ക് അയച്ചിട്ടുണ്ട്.

വെള്ളിയാഴ്ച രാവിലെയാണ് യുവതി കുഞ്ഞിനെ ഫ്ലാറ്റിൽ നിന്നും താഴേക്ക് എറിഞ്ഞത്. ഗർഭിണിയാണെന്ന വിവരം മാതാപിതാക്കളോട് പറഞ്ഞില്ലെന്നും ഗർഭിണിയായത് തിരിച്ചറിയാൻ വൈകിയതോടെ അലസിപ്പിക്കാൻ സാധിക്കാതെയായെന്നും പ്രസവാനന്തരം കുഞ്ഞിനെ ഒഴിവാക്കാൻ തയ്യാറെടുപ്പുകൾ നടത്തിയിരുന്നുവെന്നുമാണ് പോലീസ് പറയുന്നത്.

രാവിലെ അഞ്ച് മണിയോടെ പ്രസവം​ നടന്നു. മാതാപിതാക്കൾ കുഞ്ഞിന്‍റെ കരച്ചിൽ കേൾക്കാതിരിക്കാൻ വായ അമർത്തിപ്പിടിക്കുകയും തുണി തിരുകുകയും ചെയ്തിട്ടുണ്ടെന്നാണ് കരുതുന്നത്​. എട്ട് മണിയോടെ അമ്മ വാതിലിൽ തട്ടിയപ്പോൾ കുഞ്ഞിനെ കവറിൽ പൊതിഞ്ഞ് ബാൽക്കണിയിലൂടെ താഴേക്ക് എറിയുകയായിരുന്നെന്നാണ് പോലീസ് പറയുന്നത്.