കേന്ദ്ര വാണിജ്യ വ്യവസായ മന്ത്രി പിയൂഷ് ഗോയൽ ഇന്ന് കേരളത്തിലെത്തും. കോട്ടയം മാമ്മൻ മാപ്പിള ഹാളിൽ വെച്ച് സംഘടിപ്പിക്കുന്ന റബ്ബർ ആക്ട് രൂപീകരണത്തിന്‍റെ പ്ലാറ്റിനം ജൂബിലി ആഘോഷങ്ങളിൽ പങ്കെടുക്കാനാണ് പിയൂഷ് ഗോയൽ എത്തുക. 1947ല്‍ ആണ് റബ്ബർ ആക്ട് രൂപവത്കരിച്ചത്. രാജ്യത്തെ റബ്ബർ കൃഷിയും റബ്ബറുത്പന്ന നിര്‍മാണവും വികസിപ്പിക്കുന്നതിനുള്ള ബോര്‍ഡിന്‍റെ ശ്രമങ്ങളുടെ 75 വര്‍ഷത്തെ നേട്ടങ്ങളാണു വിവിധ പരിപാടികളോടെ ആഘോഷിക്കുന്നത്.
അതേസമയം സംസ്ഥാനത്തെ റബ്ബർ കർഷകർക്ക് ബിജെപി നൽകിയ വാക്ക് പാലിക്കണമെന്നും റബ്ബറിന് കിലോയ്ക്ക് 300 രൂപയായി താങ്ങുവില പ്രഖ്യാപിക്കണമെന്നും കെപിസിസി പ്രസിഡന്റ് കെ സുധാകരൻഎംപി ആവശ്യപ്പെട്ടു. ക്രിസ്ത്യന്‍ മുസ്ലീം വീടുകളില്‍ നടത്തുന്ന പ്രഹസന സന്ദര്‍ശനം പോലെ, കേന്ദ്രമന്ത്രിയുടെ റബ്ബർ ബോര്‍ഡ് പരിപാടിയെ തരംതാഴ്ത്തിയാല്‍, അത് കർഷകരോടുള്ള കൊടിയ വഞ്ചനയായിരിക്കുമെന്നും അദ്ദേഹം പറഞ്ഞു.