ല​ഹ​രി ക​ട​ത്തു​ന്ന​വ​ർ​ക്ക് ആ​ര്യ​ങ്കാ​വ് എ​ന്നും അ​നു​കൂ​ല​പാ​ത

പു​ന​ലൂ​ർ:

ഇ​ത​ര​സം​സ്ഥാ​ന​ങ്ങ​ളി​ൽ നി​ന്ന്​ കേ​ര​ള​ത്തി​ലേ​ക്ക് ക​ഞ്ചാ​വ് അ​ട​ക്കം ല​ഹ​രി ക​ട​ത്തു​ന്ന​വ​ർ​ക്ക് ആ​ര്യ​ങ്കാ​വ് എ​ന്നും അ​നു​കൂ​ല​പാ​ത. മു​മ്പ് സ്പി​രി​റ്റ് ക​ട​ത്തി​ന് മ​ദ്യ​ലോ​ബി പ്ര​ധാ​ന​മാ​യും ഉ​പ​യോ​ഗി​ച്ചി​രു​ന്ന​തും ഇ​തു​വ​ഴി​യാ​യി​രു​ന്നു. സം​സ്ഥാ​ന അ​തി​ർ​ത്തി​യാ​യ ആ​ര്യ​ങ്കാ​വി​ലും കോ​ട്ട​വാ​സ​ലി​ലെ​യും പ​രി​ശോ​ധ​നക​ളി​ലെ പ​ഴു​തു​ക​ളും ഇ​വി​ട​ത്തെ ഭൂ​പ്ര​കൃ​തി​യും ഉ​ന്ന​ത പി​ന്തു​ണ​യും ല​ഹ​രി​ക​ട​ത്തു​കാ​ർ​ക്ക് എ​ന്നും സ​ഹാ​യ​ക​മാ​ണ്.

ത​മി​ഴ്നാ​ട്ടി​ൽ നി​ന്ന്​ വ​രു​മ്പോ​ൾ അ​തി​ർ​ത്തി​യാ​യ എ​സ് വ​ള​വ് ക​ഴി​ഞ്ഞാ​ൽ പി​ന്നീ​ട് അ​ഞ്ചു​കി​ലോ​മീ​റ്റ​റോ​ളം ദൂ​രം ആ​ര്യ​ങ്കാ​വ് വ​ന​ത്തി​ലൂ​ടെ​യാ​ണ് ദേ​ശീ​യ​പാ​ത ക​ട​ന്നു​പോ​കു​ന്ന​ത്. ഇ​തി​നി​ടെ കോ​ട്ട​വാ​സ​ലി​ൽ വ​നം ചെ​ക്പോ​സ്​​റ്റും ആ​ര്യ​ങ്കാ​വി​ൽ എ​ക്സൈ​സ്, മോ​ട്ടോ​ർ വെ​ഹി​ക്കി​ൾ ചെ​ക്പോ​സ്​​റ്റു​ക​ളും ഉ​ണ്ട്. മു​മ്പ് ആ​ര്യ​ങ്കാ​വി​ൽ വാ​ണി​ജ്യ​നി​കു​തി ചെ​ക്പോ​സ്​​റ്റു​ണ്ടാ​യി​രു​ന്ന​ത് ജി ​എ​സ് ​ടി വ​ന്ന​തോ​ടെ നി​ർ​ത്ത​ലാ​ക്കി.

ഈ ​ചെ​ക്പോ​സ്​​റ്റു​ണ്ടാ​യി​രു​ന്ന​പ്പോ​ൾ ച​ര​ക്ക് വാ​ഹ​ന​ങ്ങ​ൾ പൂ​ർ​ണ​മാ​യി പ​രി​ശോ​ധി​ക്കു​ന്ന​തി​നാ​ൽ ഒ​ര​ള​വു​വ​രെ ല​ഹ​രി​ക​ട​ത്ത് പി​ടി​കൂ​ടാ​ൻ ക​ഴി​യു​മാ​യി​രു​ന്നു. ഇ​തി​ല്ലാ​താ​യ​തോ​ടെ സം​ശ​യ​മു​ള്ള വാ​ഹ​ന​ങ്ങ​ൾ എ​ക്സൈ​സ് ചെ​ക്പോ​സ്​​റ്റി​ൽ പ​രി​ശോ​ധി​ക്കാ​റു​ണ്ട്. അ​ടു​ത്ത​കാ​ല​ത്താ​യി കാ​ര്യ​മാ​യി ക​ഞ്ചാ​വോ സ്പി​രി​റ്റ് അ​ട​ക്കം ല​ഹ​രി​വ​സ്തു​ക്ക​ൾ കാ​ര്യ​മാ​യി ഇ​വി​ടെ പി​ടി​ക്കാ​റി​ല്ല.

വ​ല്ല​പ്പോ​ഴും നി​രോ​ധി​ത പു​ക​യി​ല ഉ​ൽ​പ​ന്ന​ങ്ങ​ൾ പി​ടി​ക്കു​ന്ന​താ​ണ് ഇ​വി​ട​ത്തെ പ്ര​ധാ​ന പ്ര​വ​ർ​ത്ത​നം. കോ​ട്ട​വാ​സ​ൽ കൂ​ടാ​തെ ചെ​ങ്കോ​ട്ട​യി​ൽ നി​ന്ന്​ തി​രി​ഞ്ഞ് മേ​ക്ക​ര അ​ച്ച​ൻ​കോ​വി​ൽ വ​ഴി​യും മാ​ർ​ഗ​മു​ണ്ട്. ഇ​തും മേ​ക്ക​ര ക​ഴി​ഞ്ഞാ​ൽ അ​ലി​മു​ക്ക് വ​രേ​യും മ​റ്റൊ​രു വ​ഴി​യി​ൽ കോ​ന്നി ക​ല്ലേ​ലി​വരെയും അ​മ്പ​ത് കി​ലോ​മീ​റ്റ​റോ​ളം ദൂ​ര​വും വ​ന​ത്തി​ലൂ​ടെ​യു​ള്ള റോ​ഡാ​ണ്.

ചെ​ങ്കോ​ട്ട-​അ​ച്ച​ൻ​കോ​വി​ൽ വ​ഴി​യി​ൽ മേ​ക്ക​ര കോ​ട്ട​വാ​സ​ലി​ൽ വ​ന​ത്തിൻറെ​യും അ​ച്ച​ൻ​കോ​വി​ലി​ൽ എ​ക്സൈ​സിെൻറ ചെ​ക്പോ​സ്​​റ്റു​ക​ൾ ഉ​ണ്ടെ​ങ്കി​ലും പ്ര​വ​ർ​ത്ത​നം കാ​ര്യ​ക്ഷ​മ​മ​ല്ല. എ​ക്സൈ​സ് ചെ​ക്പോ​സ്​​റ്റു​ക​ളി​ൽ ല​ഹ​രി ക​ട​ത്തു​കാ​ർ അ​വ​ലം​ബി​ക്കു​ന്ന നൂ​ത​ന രീ​തി​യി​ലു​ള്ള ക​ള്ള​ക്ക​ട​ത്തു​ക​ൾ ക​ണ്ടെ​ത്താ​ൻ മ​തി​യാ​യ പ​രി​ശോ​ധ​നാ സൗ​ക​ര്യ​ങ്ങ​ൾ ഇ​ല്ല​ത്രെ. ഋ​ഷി​രാ​ജ് സി​ങ് എ​ക്സൈ​സ് മേ​ധാ​വി​യാ​യി​രു​ന്ന​പ്പോ​ൾ ആ​ര്യ​ങ്കാ​വി​ൽ പ​ല​ത​വ​ണ സ​ന്ദ​ർ​ശി​ക്കു​ക​യും ഇ​വി​ട​ത്തെ പ​രി​ശോ​ധ​നാ സം​വി​ധാ​നം പ​രി​ഷ്ക​രി​ക്കാ​ൻ പ​ല നി​ർ​ദേ​ശ​ങ്ങ​ളും സ​ർ​ക്കാ​റി​ന് ന​ൽ​കി​യി​രു​ന്നു. സ്കാ​ന​ർ, കാ​മ​റ നി​രീ​ക്ഷ​ണം അ​ട​ക്കം സൗ​ക​ര്യ​ങ്ങ​ൾ നി​ർ​ദേ​ശി​ച്ചെ​ങ്കി​ലും ഇ​തു​വ​െ​ര​യും ന​ട​പ്പാ​യി​ല്ല.