ചെന്നൈ:
അന്തരിച്ച കന്നഡ താരം പുനീത് രാജ്കുമാറിന്‍റെ അന്ത്യവിശ്രമ സ്ഥലത്തെത്തി ആദാരാഞ്ജലികൾ അർപ്പിച്ച് തമിഴ് സിനിമ താരം ശിവകാർത്തികേയൻ. കണ്ഠീരവ സ്റ്റുഡിയോയിലെത്തി ആദാരാജ്ഞലി അർപ്പിച്ച താരം കുടുംബാംഗങ്ങളെ കണ്ട് ദുഃഖം രേഖപ്പെടുത്തി.
പുനീത് രാജ്കുമാറിന്‍റെ വിയോഗം ഇപ്പോഴും വിശ്വസിക്കാൻ സാധിക്കുന്നില്ല. ഒരു മാസം മുമ്പ് അദ്ദേഹവുമായി സംസാരിച്ചിരുന്നു. സിനിമ ലോകത്തിന് വലിയ നഷ്ടമാണ് പുനീതിന്‍റെ വിയോഗം. പുനീതിനെ പോലുള്ള ആളുകൾക്ക് മരണമില്ല, അവർ ചെയ്ത നല്ല കാര്യങ്ങൾ എന്നും ഓർമിക്കെപ്പടും. ഓൺസ്ക്രീനും ഓഫ് സ്ക്രീനിലും റോൾ മോഡലാണ് അദ്ദേഹം’ -ശിവകാർത്തികേയൻ മാധ്യമങ്ങളോട് പറഞ്ഞു.