ശബരിമലയില്‍ മാളികപ്പുറത്തിന് സമീപമുണ്ടായ അപകടം കതിന പൊട്ടിത്തെറിച്ചല്ല, മറിച്ച് തീപിടുത്തമായിരുന്നെന്ന് പത്തനംതിട്ട ജില്ല കലക്ടറുടെ പ്രാഥമിക റിപ്പോര്‍ട്ട്. ഫോറന്‍സിക് പരിശോധനകളുടെയും എഡിഎം നല്‍കിയ റിപ്പോര്‍ട്ടിന്റെയും അടിസ്ഥാനത്തിലാണ് റിപ്പോര്‍ട്ട് നല്‍കിയത്.
സര്‍ക്കാരിന് കൈമാറിയ റിപ്പോര്‍ട്ട് ഹൈക്കോടതിയിലും സമര്‍പ്പിക്കും. വിശദമായ അന്വേഷണത്തിന് ശേഷം പൂര്‍ണ്ണതോതിലുള്ള റിപ്പോര്‍ട്ട് വീണ്ടും സമര്‍പ്പിക്കുമെന്നും കളക്ടര്‍ ദിവ്യ എസ് അയ്യര്‍ പറഞ്ഞു. ഇന്നലെയായിരുന്നു ശബരിമലയില്‍ മാളികപ്പുറത്തിന് സമീപമുണ്ടായ അപകടത്തില്‍ കതിന നിറയ്ക്കുകയായിരുന്ന മൂന്നു പേര്‍ക്ക് പൊള്ളലേറ്റത്.