ജനീവ:
യുക്രെയ്നിൽ റഷ്യ അധിനിവേശം നടത്തുമെന്ന ആശങ്കകൾ ശക്തമാകുന്നതിനിടെ യു എസ് സ്റ്റേറ്റ് സെക്രട്ടറി ആന്റണി ബ്ലിങ്കനും റഷ്യൻ വിദേശകാര്യ മന്ത്രി സെർജി ലാവ്‌റോവും ജനീവയിൽ ചർച്ച നടത്തി.
അടുത്തയാഴ്ച റഷ്യയുടെ എല്ലാ സുരക്ഷാ ആവശ്യങ്ങൾക്കും രേഖാമൂലം മറുപടി നൽകാൻ യു എസ് സമ്മതിച്ചതായി ഒന്നരമണിക്കൂർ കൂടിക്കാഴ്ചക്ക് ശേഷം ബ്ലിങ്കനും ലാവ്‌റോവും സ്ഥിരീകരിച്ചു. ഇതൊരു നിർണായക നിമിഷമാണെന്ന് ബ്ലിങ്കൻ ചർച്ചക്ക് മുന്നോടിയായി പറഞ്ഞു.
ഇന്ന് ഇവിടെതന്നെ തങ്ങളുടെ അഭിപ്രായവ്യത്യാസങ്ങൾ പരിഹരിക്കുമെന്ന് പ്രതീക്ഷിക്കുന്നില്ല. എന്നാൽ നയതന്ത്രം ഇപ്പോഴും പ്രായോഗികമാണോയെന്ന് പരിശോധിക്കാനുള്ള അവസരമാണെന്ന് അദ്ദേഹം പറഞ്ഞു.