മുംബൈ:
ബോളിവുഡ് താരം ജോൺ എബ്രഹാമിനും ഭാര്യ പ്രിയ റുഞ്ചാലിനും കൊവിഡ് സ്ഥിരീകരിച്ചു. രോഗം സ്ഥിരീകരിച്ചതിനെ തുടർന്ന് ഇരുവരും നിരീക്ഷണത്തിൽ കഴിയുകയാണെന്ന് ജോൺ എബ്രഹാം ഇൻസ്റ്റഗ്രാമിലൂടെ അറിയിച്ചു.
മൂന്നുദിവസം മുമ്പ് കൊവിഡ് പോസിറ്റീവായ വ്യക്തിയുമായി സമ്പർക്കം പുലർത്തിയിരുന്നു. തുടർന്ന് രോഗലക്ഷണങ്ങൾ ശ്രദ്ധയിൽപ്പെട്ടതോടെ പരിശോധനക്ക് വിധേയമാകുകയായിരുന്നുവെന്നും താരം ആരാധകരെയും സുഹൃത്തുക്കളെയും അറിയിച്ചു.