ഒരുമാസം മുമ്പ് മലവെള്ളപ്പാച്ചിൽ; ഇപ്പോൾ ജലക്ഷാമം

പ​ത്ത​നം​തി​ട്ട:

ഒ​ക്​​ടോ​ബ​ർ, ന​വം​ബ​ർ മാ​സ​ങ്ങ​ളി​ൽ 181 ശ​ത​മാ​നം അ​ധി​ക​മ​ഴ ല​ഭി​ച്ചി​ട്ടും വേ​ന​ൽ ആ​ദ്യ​പാ​ദ​ത്തി​ൽ​ത​ന്നെ ജി​ല്ല ജ​ല​ക്ഷാ​മ​ത്തി​ലേ​ക്ക്. ജ​ല​​സ്രോ​ത​സ്സു​ക​ൾ മി​ക്ക​തും വ​റ്റാ​ൻ തു​ട​ങ്ങി.​ ഒ​രു​മാ​സം മു​മ്പ്​ പ്ര​ള​യ​വും മ​ല​വെ​ള്ള​പ്പാ​ച്ചി​ലും ഉ​ണ്ടാ​യ നാ​ടാ​​ണെ​ന്ന്​​ ഇ​പ്പോ​ൾ ആ​രും പ​റ​യി​ല്ല.

വ​രും ദി​വ​സ​ങ്ങ​ളി​ൽ ചൂ​ടിൻറെ കാ​ഠി​ന്യം കൂ​ടാ​നു​ള്ള സാ​ധ്യ​ത പ​രി​ഗ​ണി​ച്ചാ​ൽ ഇ​ത്ത​വ​ണ ക​ടു​ത്ത വ​ര​ൾ​ച്ച​യാ​കും ഉ​ണ്ടാ​വു​ക. മ​ല​യോ​ര മേ​ഖ​ല​ക​ളി​ൽ കി​ണ​റു​ക​ൾ വ​റ്റാ​ൻ തു​ട​ങ്ങി.​ പ​ല​രും വാ​ഹ​ന​ങ്ങ​ളി​ൽ വെ​ള്ളം എ​ത്തി​ക്കു​ക​യാ​ണ്.

​പ്ര​ള​യ​ത്തി​ൽ ച​ളി​യും അ​ഴു​ക്കും നി​റ​ഞ്ഞു​കി​ട​ക്കു​ന്ന​തി​നാ​ൽ പ​ല സ്ഥ​ല​ത്തും ശു​ദ്ധ​ജ​ല പ​ദ്ധ​തി​ക​ളു​ടെ പ​മ്പി​ങ്​ സു​ഗ​മ​മാ​യി ന​ട​ക്കു​ന്നി​ല്ല. പ​ത്ത​നം​തി​ട്ട ന​ഗ​ര​സ​ഭ പ്ര​ദേ​ശ​ത്ത്​ ക​ല്ല​റ​ക്ക​ട​വ്​ പ​മ്പ്​ ഹൗ​സി​ലും ഇ​താ​ണ്​ അ​വ​സ്ഥ. ന​ഗ​ര​ത്തി​ലെ പ​ല വാ​ർ​ഡു​ക​ളി​ലും വെ​ള്ളം കി​ട്ടാ​തെ വ​ന്ന​​തോ​ടെ നാ​ട്ടു​കാ​ർ വാ​ട്ട​ർ അ​തോ​റി​റ്റി ഓ​ഫി​സി​ൽ പ​രാ​തി​യു​മാ​യി ക​യ​റി​യി​റ​ങ്ങു​ക​യാ​ണ്.

ന​ഗ​ര​ത്തി​ൽ പ​ല​യി​ട​ത്തും പൈ​പ്പു​ക​ൾ പൊ​ട്ടി വെ​ള്ളം പാ​ഴാ​കു​ന്ന​തും പ​തി​വാ​യി​ട്ടു​ണ്ട്​. മ​ല​യോ​ര മേ​ഖ​ല​യാ​യ കോ​ന്നി, അ​രു​വാ​പ്പു​ലം, ചി​റ്റാ​ർ, നാ​റാ​ണം​മൂ​ഴി, മ​ല​യാ​ല​പ്പു​ഴ ഗ്രാ​മ​പ​ഞ്ചാ​യ​ത്തു​ക​ളി​ലും ജ​ല​ക്ഷാ​മം രൂ​ക്ഷ​മാ​യി. കൈ​ത്തോ​ടു​ക​ളും ചെ​റു ജ​ലാ​ശ​യ​ങ്ങ​ളും വ​ര​ണ്ടു.

ഗ്രാ​മീ​ണ​ർ കു​ടി​വെ​ള്ള​ത്തി​നാ​യി കി​ലോ​മീ​റ്റ​റു​ക​ൾ താ​ണ്ടേ​ണ്ട അ​വ​സ്ഥ​യാ​ണ്. അ​ച്ച​ൻ​കോ​വി​ലാ​റും ക​ല്ലാ​റും വ​ര​ണ്ടു​തു​ട​ങ്ങി. മ​ല​യോ​ര ഗ്രാ​മ​ങ്ങ​ളെ ബ​ന്ധി​പ്പി​ച്ച് ന​ട​പ്പാ​ക്കി​യ പ​ല കു​ടി​വെ​ള്ള പ​ദ്ധ​തി​ക​ളി​ലും ആ​വ​ശ്യാ​നു​സ​ര​ണം വെ​ള്ള​മെ​ത്തു​ന്നു​മി​ല്ല.

ത​ണ്ണി​ത്തോ​ട്ടി​ലൂ​ടെ ക​ട​ന്നു​പോ​കു​ന്ന ക​ല്ലാ​ർ ന​ദി​യു​ടെ മി​ക്ക ഭാ​ഗ​ങ്ങ​ളും വ​റ്റി. ഉ​യ​ർ​ന്ന പ്ര​ദേ​ശ​ങ്ങ​ളി​ൽ ടാ​ങ്ക​ർ ലോ​റി​ക​ളി​ലും ക​ന്നാ​സു​ക​ളി​ലു​മാ​ണ് വെ​ള്ളം എ​ത്തി​ക്കു​ന്ന​ത്. ജ​ല അ​തോ​റി​റ്റി​യു​ടെ പൈ​പ്പു​ക​ൾ പ​ല പ്ര​ദേ​ശ​ങ്ങ​ളി​ലും പൊ​ട്ടി വെ​ള്ളം പാ​ഴാ​വു​ന്ന​ത് ത​ട​യാ​നും ന​ട​പ​ടി സ്വീ​ക​രി​ച്ചി​ട്ടി​ല്ല.

ര​ണ്ടാ​ഴ്ച തു​ട​ർ​ച്ച​യാ​യി വെ​യി​ല​ടി​ച്ച​തോ​ടെ വെ​ള്ളം ഇ​ത്ര​യേ​റെ വ​റ്റി​യ​ത്​ ന​ദി​തീ​ര വാ​സി​ക​ളെ ആ​ശ​ങ്ക​യി​ലാ​ക്കി. പ​മ്പ​യി​ലും മ​ണി​മ​ല​യാ​റ്റി​ലും മി​ക്ക ഭാ​ഗ​ങ്ങ​ളി​ലും നീ​രൊ​ഴു​ക്ക്​ ഗ​ണ്യ​മാ​യി കു​റ​ഞ്ഞു. വേ​ന​ലി​നെ നേ​രി​ടാ​ൻ കു​ടി​വെ​ള്ള വി​ത​ര​ണം കാ​ര്യ​ക്ഷ​മ​മാ​ക്കാ​ൻ ത​യാ​റെ​ടു​പ്പു​ക​ൾ​ക്കൊ​ന്നും ജ​ല അ​തോ​റി​റ്റി തു​നി​ഞ്ഞി​ട്ടി​ല്ല.

പൊ​ട്ടി​യ​തും പൊ​ട്ടാ​ൻ സാ​ധ്യ​ത​യു​ള്ള​തു​മാ​യ പൈ​പ്പു​ക​ൾ മാ​റ്റി​സ്ഥാ​പി​ക്കു​ക, ഉ​യ​ർ​ന്ന സ്ഥ​ല​ങ്ങ​ളി​ൽ വെ​ള്ളം എ​ത്തു​മെ​ന്ന്​ ഉ​റ​പ്പാ​ക്കു​ക, മോ​ട്ട​റു​ക​ളു​ടെ​യും വി​ത​ര​ണ പൈ​പ്പു​ക​ളു​ടെ​യും അ​റ്റ​കു​റ്റ​പ്പ​ണി പൂ​ർ​ത്തീ​ക​രി​ക്കു​ക തു​ട​ങ്ങി​യ ന​ട​പ​ടി​ക​ളൊ​ന്നും തു​ട​ങ്ങി​യി​ട്ടി​ല്ലെ​ന്ന്​ വി​വി​ധ സം​ഘ​ട​ന​ക​ൾ കു​റ്റ​പ്പെ​ടു​ത്തി.