കാ​ട്ടാ​ന​ക​ൾ ത​മ്പ​ടി​ക്കു​ന്ന കാ​ടി​ന് ന​ടു​വി​ൽ എ​രു​മ​ക്കൊ​ല്ലി ഗ​വ എ​ൽ ​പി ​സ്കൂ​ൾ

മേ​പ്പാ​ടി:

ചെ​മ്പ്ര എ​രു​മ​ക്കൊ​ല്ലി ഗ​വ എ​ൽ പി ​സ്കൂ​ൾ സ്ഥി​തി​ചെ​യ്യു​ന്ന​ത് കാ​ട്ടാ​ന​ക​ൾ ത​മ്പ​ടി​ക്കു​ന്ന കാ​ടി​ന് ന​ടു​വി​ൽ. ആ​ന സാ​ന്നി​ധ്യം മൂ​ലം പ​ല പ്ര​വൃ​ത്തി ദി​വ​സ​ങ്ങ​ളി​ലും സ്കൂ​ളി​ന് അ​വ​ധി ന​ൽ​കേ​ണ്ട അ​വ​സ്ഥ​യാ​ണെ​ന്ന് അ​ധി​കൃ​ത​ർ പ​റ​യു​ന്നു. കാ​ട്ടാ​ന​ക​ളെ പേ​ടി​ച്ച് പി​ഞ്ചു​കു​ട്ടി​ക​ളെ സ്കൂ​ളി​ലേ​ക്ക​യ​ക്കാ​ൻ ര​ക്ഷി​താ​ക്ക​ൾ ഭ​യ​പ്പെ​ടു​ന്നു.

കു​ട്ടി​ക​ളെ മ​റ്റു സ്കൂ​ളു​ക​ളി​ൽ ചേ​ർ​ത്ത​വ​രു​മു​ണ്ട്. 200 ഓ​ളം കു​ട്ടി​ക​ൾ പ​ഠി​ച്ചി​രു​ന്ന സ്കൂ​ളി​ൽ ഇ​പ്പോ​ൾ 28 കു​ട്ടി​ക​ൾ മാ​ത്ര​മാ​ണു​ള്ള​ത്. ചെ​മ്പ്ര വ​ന മേ​ഖ​ല​ക്ക​ടു​ത്താ​ണ് സ്കൂ​ൾ. ആ​റും ഏ​ഴും കാ​ട്ടാ​ന​ക​ള​ട​ങ്ങി​യ കൂ​ട്ടം എ​ന്നും പ​രി​സ​ര​ത്തു ത​ന്നെ​യു​ണ്ടാ​കും.

സ്കൂ​ൾ സൗ​ക​ര്യ​പ്ര​ദ​മാ​യ മ​റ്റൊ​രി​ട​ത്തേ​ക്ക് മാ​റ്റി സ്ഥാ​പി​ക്ക​ണ​മെ​ന്ന ആ​വ​ശ്യ​ത്തി​ന് വ​ർ​ഷ​ങ്ങ​ളു​ടെ പ​ഴ​ക്ക​മു​ണ്ട്. സ്​​കൂ​ൾ സ്ഥ​ലം മു​മ്പ് എ​സ്‌​റ്റേ​റ്റ് മാ​നേ​ജ്മെൻറ്​ സ​ർ​ക്കാ​റി​ലേ​ക്ക് വി​ട്ടു കൊ​ടു​ത്ത​താ​ണ്. അ​ത് എ​സ്‌​റ്റേ​റ്റി​ന് വി​ട്ടു​കൊ​ടു​ത്താ​ൽ പ​ക​രം കൂ​ടു​ത​ൽ സൗ​ക​ര്യ​പ്ര​ദ​മാ​യ സ്ഥ​ലം സ്കൂ​ൾ നി​ർ​മി​ക്കാ​ൻ വി​ട്ടു​കൊ​ടു​ക്കാ​മെ​ന്ന് തോ​ട്ടം മാ​നേ​ജ്മെൻറ്​ ഉ​റ​പ്പു​ന​ൽ​കി​യി​ട്ടു​ണ്ട്.

എ​ന്നാ​ൽ, വി​ഷ​യം ചു​വ​പ്പു​നാ​ട​യി​ൽ കു​രു​ങ്ങി​ക്കി​ട​ക്കു​ക​യാ​ണെ​ന്ന് സ്കൂ​ൾ മാ​നേ​ജ്മെൻറ്​ ക​മ്മി​റ്റി ചെ​യ​ർ​മാ​ൻ ശി​വ​പ്ര​സാ​ദ് പ​റ​യു​ന്നു. നി​ല​വി​ലു​ള്ള സ്ഥ​ലം എ​സ്‌​റ്റേ​റ്റി​ന് ന​ൽ​കി പ​ക​രം സ്ഥ​ലം ഏ​റ്റെ​ടു​ക്ക​ണം. പു​തി​യ കെ​ട്ടി​ടം നി​ർ​മി​ക്കു​ന്ന​തി​നു​മു​ള്ള അ​നു​മ​തി, ഫ​ണ്ട് എ​ന്നി​വ​യും വേ​ണം. അ​തി​നു​ള്ള ന​ട​പ​ടി​യു​ണ്ടാ​ക​ണ​മെ​ന്നാ​ണ്​ നാ​ട്ടു​കാ​രു​ടെ ആ​വ​ശ്യം.