എയര്‍ ഇന്ത്യയുടെ മുംബൈ ലണ്ടന്‍ വിമാനത്തിൽ മദ്യപന്റെ അതിക്രമം. കഴിഞ്ഞ സെപ്റ്റംബര്‍ അഞ്ചിനാണ് എട്ട് വയസുകാരിയോട് മദ്യപന്‍ അപമര്യാദയായി പെരുമാറിയത്. ഇയാളെ ലണ്ടന്‍ പൊലീസിന് കൈമാറിയിരുന്നു.
കുട്ടിയുടെ അമ്മയും സഹോദരനും എതിര്‍ത്തപ്പോള്‍ ഇയാള്‍ പ്രകോപിതനായി, തുടര്‍ന്ന് അതിക്രമം നടത്തിയ ആളെ വിമാനത്തില്‍ കെട്ടിയിട്ടു. വിമാനം ലാന്‍ഡ് ചെയ്ത ഉടന്‍ തന്നെ യാത്രക്കാരനെ ലണ്ടന്‍ മെട്രോപൊളിറ്റന്‍ പൊലീസിനാണ് കൈമാറിയത്.
സംഭവത്തില്‍ കാബിന്‍ ക്രൂ ഇടപെടുകയും കുറ്റക്കാരനെ മാറ്റുകയും ചെയ്തു, അതിക്രമത്തിന് ഇരയായവര്‍ക്ക് വേണ്ട സഹായങ്ങളെല്ലാം കാബിന്‍ ക്രൂ ചെയ്തതായും എയര്‍ ഇന്ത്യ അറിയിച്ചു.