2016 നവംബറിലെ 500, 1000 രൂപ നോട്ടുകള്‍ അസാധുവാക്കാനുള്ള സര്‍ക്കാരിന്റെ തീരുമാനത്തെ ചോദ്യം ചെയ്ത് സമര്‍പ്പിച്ച ഒരു കൂട്ടം ഹര്‍ജികളില്‍ ഇന്ന് സുപ്രീം കോടതി വിധി പറയും. സുപ്രീം കോടതി കാരണ-പട്ടിക പ്രകാരം – കോടതിയുടെ ബിസിനസ്സ് ലിസ്റ്റ് അനുസരിച്ച്, രണ്ട് വിധിന്യായങ്ങള്‍ ഉണ്ടാകും, ഒന്ന് ജസ്റ്റിസ് ബി ആര്‍ ഗവായുടെതും, മറ്റൊന്ന് ജസ്റ്റിസ് ബി വി നാഗരത്‌നയുടെതുമാണ്.
ജസ്റ്റിസ് എസ് അബ്ദുള്‍ നസീര്‍ അധ്യക്ഷനായ അഞ്ചംഗ ഭരണഘടനാ ബെഞ്ച് ഹരജിക്കാരുടെയും കേന്ദ്രത്തിന്റെയും റിസര്‍വ് ബാങ്കിന്റെയും വിശദമായ വാദം കേട്ടശേഷം ഡിസംബര്‍ 7ന് വിധി പറയാന്‍ മാറ്റി. 2016 നവംബര്‍ 8ലെ വിജ്ഞാപനത്തിലേക്ക് നയിക്കുന്ന തീരുമാനങ്ങളെടുക്കല്‍ പ്രക്രിയയുമായി ബന്ധപ്പെട്ട രേഖകള്‍ ഹാജരാക്കാന്‍ സര്‍ക്കാരിനോടും ആര്‍ബിഐയോടും ജസ്റ്റിസുമാരായ എ എസ് ബൊപ്പണ്ണ, വി രാമസുബ്രഹ്മണ്യന്‍ എന്നിവരടങ്ങിയ ബെഞ്ച് ആവശ്യപ്പെട്ടിരുന്നു. നോട്ട് അസാധുവാക്കലിനെ ചോദ്യം ചെയ്ത് 58 ഹര്‍ജികളിലാണ് സുപ്രീം കോടതിയുടെ വിധി.