റീ ടാറിങ്ങിനായി റോഡ് പൊളിച്ചിട്ട് ഒന്നര മാസം

നാ​ദാ​പു​രം:

വി​ല​ങ്ങാ​ട് ഇ​ന്ദി​ര ന​ഗ​ർ റോ​ഡ് റീ​ടാ​റി​ങ് ന​ട​ത്താ​നാ​യി പൊ​ളി​ച്ചി​ട്ടി​ട്ടും ന​ന്നാ​ക്കി​യി​ല്ല. ക​രാ​റു​കാ​ര​ന്റെ അ​നാ​സ്ഥ​കാ​ര​ണം ജ​ന​ങ്ങ​ൾ വ​ല​ഞ്ഞു. ഒ​ന്ന​ര​മാ​സ​മാ​യി റീ ​ടാ​റി​ങ്ങി​നാ​യി റോ​ഡ് പൊ​ളി​ച്ചി​ട്ട നി​ല​യി​ലാ​യി​ട്ട്.

ആ​വ​ശ്യ​ത്തി​നു​ള്ള ടാ​ർ ഉ​ൾ​പ്പെ​ടെ​യു​ള്ള സാ​മ​ഗ്രി​ക​ൾ​പോ​ലു​മി​റ​ക്കാ​തെ​യാ​ണ് റോ​ഡ് കു​ത്തി​പ്പൊ​ളി​ച്ച​ത്. റോ​ഡു​പ​ണി പൂ​ർ​ത്തി​യാ​ക്കാ​ത്ത​തി​ൽ നാ​ട്ടു​കാ​ർ വ​ൻ പ്ര​തി​ഷേ​ധ​ത്തി​ലാ​ണ്. വി​ല​ങ്ങാ​ടു​നി​ന്ന് ഇ​ന്ദി​ര ന​ഗ​റി​ലേ​ക്കു​ള്ള ഏ​ക റോ​ഡാ​ണി​ത്.

പോ​സ്റ്റ്‌ ഓ​ഫി​സ്, വി​ല്ലേ​ജ് ഓ​ഫി​സ് തു​ട​ങ്ങി​യ​വ സ്ഥി​തി​ചെ​യ്യു​ന്ന വി​ല​ങ്ങാ​ട് ടൗ​ണി​ലേ​ക്ക് ആ​ളു​ക​ൾ​ക്ക് എ​ത്തി​പ്പെ​ട​ണ​മെ​ങ്കി​ൽ ഇ​പ്പോ​ൾ ഒ​ന്ന​ര കി​ലോ​മീ​റ്റ​ർ അ​ധി​കം ചു​റ്റി​സ​ഞ്ച​രി​ച്ച് കൂ​ളി​ക്കാ​വ് വ​ഴി യാ​ത്ര ചെ​യ്യ​ണം.
നി​ര​വ​ധി വി​ദ്യാ​ർത്ഥികൾ സ്കൂ​ളി​ലേ​ക്ക് പോ​കാ​നും ഇ​വി​ടെ​യു​ള്ള ജോ​ലി​ക്കാ​രും നാ​ട്ടു​കാ​രും വി​ല​ങ്ങാ​ടേ​ക്ക് യാ​ത്ര​ചെ​യ്യാ​നും ആ​ശ്ര​യി​ക്കു​ന്ന റോ​ഡാ​ണ് ഇ​പ്പോ​ൾ കാ​ൽ​ന​ട പോ​ലും ദു​സ്സ​ഹ​മാ​യി​രി​ക്കു​ന്ന​ത്. റോ​ഡി​ൽ വാ​ഹ​ന​ങ്ങ​ൾ ക​ട​ന്നു​പോ​കാ​ൻ ക​ഴി​യാ​താ​യ​തോ​ടെ രോ​ഗി​ക​ളെ ആ​ശു​പ​ത്രി​യി​ലെ​ത്തി​ക്കാ​നാ​ണ് നാ​ട്ടു​കാ​ർ ഏ​റെ പ്ര​യാ​സ​പ്പെ​ടു​ന്ന​ത്.

ടാ​റി​ങ് തു​ട​ങ്ങാ​ൻ റോ​ഡ് അ​ട​ക്കു​ന്ന​തു​മാ​യി ബ​ന്ധ​പ്പെ​ട്ട് നാ​ട്ടു​കാ​രും ക​രാ​റു​കാ​ര​നും ത​മ്മി​ൽ ത​ർ​ക്കം ന​ട​ന്നി​രു​ന്നു. ത​ർ​ക്ക​ത്തെ തു​ട​ർ​ന്ന് ക​രാ​റു​കാ​ര​ൻ പ​ണി​ന​ട​ത്താ​തെ പോ​കു​ക​യാ​യി​രു​ന്നു.