ന്യൂഡൽഹി:
ആർ ബി ഐ ഡിജിറ്റൽ കറൻസി പുറത്തിറക്കുമെന്ന ധനമന്ത്രി നിർമ്മല സീതാരാമന്‍റെ പ്രഖ്യാപനം ഡിജിറ്റൽ സമ്പദ്വ്യവസ്ഥയിൽ വിപ്ലവകരമായ മാറ്റങ്ങൾ കൊണ്ടു വരാൻ പര്യാപ്തമാണ്. ബ്ലോക്ക്ചെയിൻ സാങ്കേതികവിദ്യ അടിസ്ഥാനമാക്കയുള്ള ഡിജറ്റൽ കറൻസി ബിറ്റ്കോയിൻ ഉൾപ്പടെയുള്ളവക്ക് ബദലായാണ് ആർ ബി ഐ പുറത്തിറക്കുന്നത്.
2022-23 സാമ്പത്തിക വർഷത്തിൽ തന്നെ ഡിജിറ്റൽ റുപ്പി എന്ന് അറിയപ്പെടുന്ന ഡിജിറ്റൽ കറൻസി ആർ ബി ഐ പുറത്തിറക്കും. ഡിജിറ്റൽ റുപ്പി കറൻസി മാനേജ്മെന്‍റ് സിസ്റ്റത്തിന്‍റെ ചിലവ് കുറക്കുമെന്ന് ഇതിന്‍റെ പ്രഖ്യാപനം നടത്തിയതിന് പിന്നാലെ ധനമന്ത്രി പറഞ്ഞു.