Fri. Aug 29th, 2025
കൊച്ചി:

വൈറ്റില ജങ്‌ഷനിലെ ഗതാഗതക്കുരുക്ക്‌ ഒഴിവാക്കാനുള്ള ക്രമീകരണം ഞായർ രാവിലെ 8.30 മുതൽ നിലവിൽവരും. ഒരാഴ്‌ചത്തേക്ക്‌ പരീക്ഷണാടിസ്ഥാനത്തിലാണ്‌ നടപടി. വാഹനങ്ങൾ വഴിതിരിച്ചുവിടുന്നതിനുമുന്നോടിയായി ശനിയാഴ്‌ച ക്രമീകരണങ്ങൾ പൂർത്തിയാക്കി.

റോഡരികിലെ ദിശാബോർഡുകൾ, വഴിയോരത്തെ അനധികൃത തട്ടുകൾ തുടങ്ങിയവ നീക്കി. പുതിയ ഗതാഗതക്രമീകരണത്തിന്റെ സൂചനാബോർഡുകൾ സ്ഥാപിച്ചു. പൊന്നുരുന്നി റെയിൽവേ മേൽപ്പാലത്തിന്‌ വടക്കുഭാഗം, വൈറ്റില മേൽപ്പാലത്തിന്റെ വടക്കുഭാഗം, തൈക്കൂടം ഡെക്കാത്‌ലൺ സെന്ററിനു മുൻവശം, കണിയാമ്പുഴ എന്നിവിടങ്ങളിലാണ്‌ ബോർഡുകൾ സ്ഥാപിച്ചത്‌.