ഹ്രസ്വകാലത്തേയ്ക്ക് ആസ്ത്മയ്ക്കുള്ള മരുന്ന് കഴിക്കുന്ന സ്ത്രീകൾക്ക് വന്ധ്യത സാധ്യത കൂടുതലാണെന്ന് ഒരു പഠനം സൂചിപ്പിക്കുന്നു.
അതേസമയം, ഓസ്ട്രേലിയ, ന്യൂസിലൻഡ്, ബ്രിട്ടൻ, അയർലൻഡ് എന്നിവിടങ്ങളിൽ 5600 ൽ കൂടുതൽ സ്ത്രീകൾക്കുമുകളിൽ നടത്തിയ പഠനങ്ങൾ കാണിക്കുന്നത് ദീർഘകാലത്തേയ്ക്ക് ആസ്ത്മയ്ക്കുള്ള മരുന്ന് കഴിക്കുന്ന സ്ത്രീകൾ മറ്റ് സ്ത്രീകളെപ്പോലെത്തന്നെ വേഗത്തിൽ ഗർഭം ധരിക്കും എന്നും പഠനം പറയുന്നു.
അഡ്ലൈഡിലെ റോബിൻസൺ റിസർച്ച് ഇൻസ്റ്റിറ്റ്യൂട്ട് യൂണിവേഴ്സിറ്റിയിലെ ഡോ. ലൂക്ക് ഗ്രെസ്കൊവിക്കിന്റെ നേതൃത്വത്തിലാണ് പഠനം നടത്തിയത്.
ആസ്ത്മയുടെ ലക്ഷണങ്ങൾ കുറയ്ക്കാനുപയോഗിക്കുന്ന
ശ്വാസത്തിലൂടെ എടുക്കുന്ന കോർട്ടിക്കോസ്റ്റെറോയ്ഡുകൾ പ്രത്യുൽപാദനശേഷി കുറയ്ക്കില്ല എന്ന് റിസൾട്ടുകൾ കാണിക്കുന്നുവെന്ന് ഗ്രെസ്കൊവിക്ക് പറഞ്ഞു.
“ലോകമെമ്പാടുമുള്ള സ്ത്രീകളിൽ 5 മുതൽ 10 ശതമാനം വരെയും ആസ്മ ഉണ്ടാകും. പ്രത്യുൽപാദന പ്രായത്തിലുള്ള സ്ത്രീകളിലെ ഏറ്റവും സാധാരണമായ രോഗങ്ങളിൽ ഒന്നാണിത്. ആസ്ത്മയും സ്ത്രീ വന്ധ്യതയും തമ്മിൽ ബന്ധമുണ്ടെന്ന് പല പഠനങ്ങളും തെളിയിച്ചിട്ടുണ്ടെങ്കിലും ആസ്ത്മ ചികിത്സയ്ക്ക് പ്രത്യുൽപാദനശേഷിക്കുമേലുള്ള സ്വാധീനം എന്താണെന്ന് ഇതുവരെ വ്യക്തമായിട്ടില്ലായിരുന്നു, ഡോ. ഗ്രെസ്കോവിയാക് പറഞ്ഞു.
പല സ്ത്രീകൾക്കും കുട്ടിയെ അപകടപ്പെടുത്തുന്ന മരുന്നകളെ സംബന്ധിച്ച് ആശങ്കകളുണ്ടാകാറുള്ളതുകൊണ്ട് ഗർഭിണികളിലും ഗർഭം ധരിക്കാൻ ശ്രമിക്കുന്നവരിലും ആസ്ത്മ ചികിത്സയ്ക്കുള്ള സ്വാധീനം എന്താണെന്ന് പഠിക്കേണ്ടത് പ്രധാനമാണ്.
ഗർഭധാരണത്തിന്റെ ആദ്യ ഘട്ടത്തിലുള്ള 5600 സ്ത്രീകളിലേക്ക് റിക്രൂട്ട് ചെയ്ത അന്താരാഷ്ട്ര സ്ക്രീനിംഗ് ഫോർ പ്രെഗ്നൻസി എൻഡ്പോയിന്റ്സ് (എസ്സിഒപിഇ) പഠനത്തിലുള്ള വിവരങ്ങൾ ഗവേഷകർ പരിശോധിച്ചു.
പഠനത്തിൽ സ്ത്രീകളിൽ പത്ത് ശതമാനം സ്ത്രീകൾ അവർക്ക് ആസ്ത്മ ഉണ്ടെന്ന് പറഞ്ഞു. മൊത്തത്തിൽ ഈ സ്ത്രീകൾ ഗർഭിണിയാകാൻ കൂടുതൽ സമയം എടുക്കുകയും ചെയ്തു.
ഗവേഷകർ അവർ ഉപയോഗിച്ചിരുന്ന ആസ്ത്മ ചികിത്സാരീതികളുടെ സ്വഭാവം അനുസരിച്ച് സ്ത്രീകളെ തരംതിരിച്ച് പരിശോധിച്ചു. ദീർഘകാല ആസ്ത്മ ചികിത്സ എടുക്കുന്ന സ്ത്രീകളിലും ആസ്ത്മയില്ലാത്ത സ്ത്രീകളിലും പ്രത്യുൽപാദനശേഷിയിൽ വ്യത്യാസമൊന്നും കണ്ടെത്താനായില്ല.
ഹ്രസ്വ ആക്ടിംഗ് റിലീയർ മരുന്നുകൾ (ബീറ്റാ-അഗണിസ്റ്റുകൾ എന്നറിയപ്പെടുന്നവ) ഉപയോഗിക്കുന്ന സ്ത്രീകൾ ഗർഭം ധരിക്കാൻ 20% കൂടുതൽ സമയമെടുക്കുന്നു. ഇവർ ഗർഭം ധരിക്കുന്നതിൽ ഒരു വർഷത്തിൽ കൂടുതൽ സമയമെടുക്കാൻ 30 ശതമാനം സാധ്യതയുള്ളവരുമാകുന്നു. ഈ കാലയളവിനെ വന്ധ്യതയുടെ മാനദണ്ഡമായി കണക്കാക്കിയാണ് ഗവേഷകർ പ്രവർത്തിച്ചത്.
പ്രായവും ഭാരവും പോലുള്ള പ്രത്യുൽപാദനശേഷിയെ സ്വാധീനിക്കുന്ന മറ്റ് ഘടകങ്ങളെ ഗവേഷകർ പരിഗണിച്ചപ്പോഴും ഈ വ്യത്യാസം നിലനിന്നു.
“ആസ്ത്മയെ നേരിടാൻ ഹൃസ്വമായി ആശ്വാസം നൽകുന്ന ചികിത്സകൾ ഉപയോഗിക്കുന്ന സ്ത്രീകൾ ഗർഭം ധരിക്കാൻ കൂടുതൽ സമയമെടുക്കും എന്ന് പഠനം കാണിക്കുന്നു,” ഡോ. ഗ്രെസ്കോവിയാക് പറഞ്ഞു. ഠആസ്തമ നിയന്ത്രിക്കാൻ ദീർഘകാല ആസ്തമ ചികിത്സകൾ തുടർച്ചയായി ഉപയോഗിക്കുന്നത് പ്രത്യുൽപാദനശേഷിയെ സംരക്ഷിക്കുകയും ഗർഭം ധരിക്കാനെടുക്കുന്ന സമയം കുറയ്ക്കുകയും ചെയ്യുന്നു. ഇത് ഫെർട്ടിലിറ്റി ട്രീറ്റ്മെന്റിന്റെ ആവശ്യം കുറയ്ക്കുന്നതിന് ഇടയാക്കും. ”
“അമ്മയുടെ ആസ്ത്മ കുഞ്ഞിനെയും ഗർഭിണികളായ സ്ത്രീകളെയും ദോഷകരമായി ബാധിക്കും എന്നതിന് ധാരാളം തെളിവുകളുണ്ട്. അതിനാൽ ഗർഭധാരണത്തിനു മുൻപ് സ്ത്രീകൾ ആസ്ത്മ നിയന്ത്രിക്കാൻ നടപടികൾ കൈക്കൊള്ളണമെന്നും എന്ന് ഞങ്ങൾ ഉപദേശിക്കുന്നു,” ഡോക്ടർ പറഞ്ഞു.
“ആസ്മയും ആസ്ത്മ ചികിത്സയും എങ്ങിനെയാണ് പ്രത്യുൽപാദന പ്രശ്നങ്ങളിലേക്കു നയിക്കുന്നത് എന്നാണ് നമുക്ക് കൃത്യമായി അറിയാത്തത്. ശ്വാസകോശത്തെ ബാധിക്കുന്നതുപോലെ, ആസ്തമ ഗർഭപാത്രം ഉൾപ്പെടെ മറ്റെവിടെയെങ്കിലും ശരീരത്തിൽ വീക്കം ഉണ്ടാക്കാം. ഇത് അണ്ഡാശയത്തിലെ അണ്ഡങ്ങളുടെ ആരോഗ്യത്തെയും ബാധിച്ചേക്കാം.
ഇൻഹോൾഡ് കോർട്ടികോസ്റ്റീറോയിഡുകൾ രോഗപ്രതിരോധ സംവിധാനത്തെ അടിച്ചമർത്തും. ഹ്രസ്വകാല ആസ്ത്മ ചികിത്സകൾക്ക് പ്രതിരോധ സംവിധാനത്തെ ബാധിക്കുന്നില്ല. റിലീവറുകൾ മാത്രം ഉപയോഗിക്കുന്ന സ്ത്രീകളിൽ, ആസ്ത്മ രോഗലക്ഷണങ്ങൾ മെച്ചപ്പെട്ടേക്കാമെങ്കിലും, ശരീരത്തിൽ ശ്വാസകോശത്തിലും മറ്റ് അവയവങ്ങളിലും വീക്കം ഉണ്ടാകാൻ സാധ്യതയുണ്ട്. ”
കണ്ടെത്തൽ യൂറോപ്യൻ റെസ്പിറേറ്ററി ജേർണൽ പ്രസിദ്ധീകരിച്ചിട്ടുണ്ട്.