അദാനി ഗ്രൂപ്പ് ഓഹരി വില പെരുപ്പിച്ചു കാണിക്കുകയാണെന്ന യുഎസ് ഫൊറന്‍സിക് ഫിനാന്‍ഷ്യല്‍ റിസര്‍ച് സ്ഥാപനമായ ഹിന്‍ഡന്‍ബര്‍ഗിന്റെ റിപ്പോര്‍ട്ടിന്റെ ആഘാതത്തില്‍ ഇന്ത്യന്‍ വിപണി ഇന്നും മോശം പ്രകടനാമാണ് കാഴ്ചവെക്കുന്നത്. റിപ്പോര്‍ട്ടിനെതിരെ അദാനി ഗ്രൂപ്പ് രംഗത്തെത്തിയിരുന്നു. അദാനി എന്റര്‍പ്രൈസസിന്റെ എഫ് പി ഒ ആരംഭിക്കുന്നതിന് തൊട്ട് മുമ്പ് പുറത്തുവിട്ട റിപ്പോര്‍ട്ട് സ്ഥാപനത്തിന്റെ സല്‍പ്പേരിനെ കളങ്കപ്പെടുത്താനുള്ള ശ്രമമാണെന്നായിരുന്നു ആരോപണം. റിപ്പോര്‍ട്ടില്‍ ഉറച്ചുനില്‍ക്കുന്നതായി ആണ് ഹിന്‍ഡന്‍ബര്‍ഗ് വ്യക്തമാക്കുന്നത്. റിപ്പോര്‍ട്ടിലുന്നയിച്ച 88 ചോദ്യങ്ങള്‍ക്ക് അദാനി ഗ്രൂപ്പിന് കൃത്യമായ മറുപടിയില്ലെന്നും ഏതു നടപടിയും നേരിടാന്‍ തയാറാണെന്നും അവര്‍ വ്യക്തമാക്കി. വിശദമായ രേഖകളുടെ പിന്‍ബലത്തിലാണ് റിപ്പോര്‍ട്ട്. നിയമനടപടിക്ക് അദാനി മുതിരുന്നതില്‍ കഴമ്പില്ലെന്നും ഹിന്‍ഡന്‍ബര്‍ അറിയിച്ചു.
ഹിന്‍ഡന്‍ബര്‍ഗ്
നാഥാന്‍ ആന്‍ഡേഴ്‌സണ്‍ സ്ഥാപിച്ച് ഹിന്‍ഡെന്‍ബെര്‍ഗ് ന്യൂയോര്‍ക്ക് ആസ്ഥാനമായി പ്രവര്‍ത്തിക്കുന്ന നിക്ഷേപ ഗവേഷണ സ്ഥാപനമാണ്. കോര്‍പറേറ്റ് മേഖലയിലെ തട്ടിപ്പുകള്‍ വെളിച്ചത്തുകൊണ്ടുവരുന്ന റിപ്പോര്‍ട്ടുകള്‍ പ്രസീദ്ധീകരിക്കുന്നത് കമ്പനിയുടെ പ്രഖ്യാപിത ലക്ഷ്യമാണ്.
ഹിന്‍ഡന്‍ബര്‍ഗ് റിപ്പോര്‍ട്ട്
സാമ്പത്തിക മേഖലയില്‍ പഠനം നടത്തുന്ന സ്ഥാപനമാണ് ഹിന്‍ഡന്‍ബര്‍ഗ്. അദാനി ഗ്രൂപ്പുമായി ബന്ധപ്പെട്ട റിപ്പോര്‍ട്ട് തയ്യാറാക്കിയത് രണ്ട് വര്‍ഷത്തെ അന്വേഷണങ്ങളിലൂടെ ആണെന്നാണ് ഹിന്‍ഡന്‍ബര്‍ഗ് റിസര്‍ച്ചിന്റെ അവകാശവാദം. അദാനി ഗ്രൂപ്പ് ദശാബ്ദങ്ങളായി വന്‍തോതിലുള്ള സ്റ്റോക്ക് കൃത്രിമത്വത്തിലും അക്കൗണ്ടിംഗ് തട്ടിപ്പ് പദ്ധതിയിലും ഏര്‍പ്പെട്ടിരുന്നു എന്നതിന്റെ തെളിവുകളാണ് ഹിന്‍ഡന്‍ബാര്‍ റിസര്‍ച്ച് ഏജന്‍സി പുറത്ത് വിട്ടത്. തങ്ങളുടെ രണ്ട് വര്‍ഷത്തെ കണ്ടെത്തലിന് ഒടുവില്‍ ലഭിച്ച റിപ്പോര്‍ട്ടെന്നാണ് ഹിന്‍ഡന്‍ബര്‍ഗ് ഇത് സംബന്ധിച്ച് വ്യക്തമാക്കുന്നത്. അദാനി ഗ്രൂപ്പിലെ ഏഴ് ലിസ്റ്റഡ് കമ്പനികളെ ഹിന്‍ഡന്‍ബെര്‍ഗ് പഠന വിധേയമാക്കി. ഈ കമ്പനികളുടെയെല്ലാം വ്യാപാരം യഥാര്‍ത്ഥ മൂല്യത്തെക്കാള്‍ 85 ശതമാനത്തോളം ഉയര്‍ന്നാണ് നില്‍ക്കുന്നത്. ഓഹരി വില ഉയര്‍ന്നതിലൂടെ 3 വര്‍ഷം കൊണ്ട് ഗൗതം അദാനിയുടെ ആസ്തി വര്‍ധിച്ചത് 100 ദശകോടി ഡോളറിലധികമാണ്. തങ്ങളുടെ കണ്ടെത്തലുകള്‍ തള്ളിക്കളഞ്ഞാല്‍ പോലും അദാനി ഗ്രൂപ്പിന്റെ സാമ്പത്തിക നില പരിശോധിച്ചാല്‍ ഓഹരി വില ഉയര്‍ന്നതാണെന്ന് മനസിലാക്കാന്‍ സാധിക്കുമെന്നും ഹിന്‍ഡന്‍ബര്‍ഗ് ചൂണ്ടിക്കാട്ടുന്നു. അദാനി ഗ്രൂപ്പിന്റെ മുന്‍ സീനിയര്‍ എക്‌സിക്യൂട്ടീവുകള്‍ ഉള്‍പ്പെടെ നിരവധി പേരുമായി സംസാരിക്കുകയും, ആയിരക്കണക്കിന് രേഖകള്‍ അവലോകനം ചെയ്യുകയും, ഏതാണ്ട് അര ഡസനോളം രാജ്യങ്ങളില്‍ സന്ദര്‍ശനങ്ങള്‍ നടത്തുകയും ചെയ്തു കൊണ്ടാണ് ഈ നിഗമനങ്ങളിലേക്ക് എത്തിച്ചേര്‍ന്നത് എന്നും ഇവര്‍ പറയുന്നു.
88 ചോദ്യങ്ങളാണ് ഏജന്‍സി അദാനിക്ക് മുന്‍പില്‍ വെക്കുന്നത്. 140 പേജുകളുള്ള റിപ്പോര്‍ട്ടിലെ പ്രധാന ആരോപണങ്ങള്‍
* പ്രധാന ലിസ്റ്റഡ് അദാനി കമ്പനികളും ഗണ്യമായ കടബാധ്യതകള്‍ ഏറ്റെടുത്തിട്ടുണ്ട്, അവരുടെ പണപ്പെരുപ്പമുള്ള സ്റ്റോക്കിന്റെ ഓഹരികള്‍ വായ്പകള്‍ക്കായി പണയം വയ്ക്കുന്നത് ഉള്‍പ്പെടെ, ഗ്രൂപ്പിനെ മുഴുവന്‍ അപകടകരമായ സാമ്പത്തിക അടിത്തറയിലാക്കി. ലിസ്റ്റുചെയ്ത 7 പ്രധാന കമ്പനികളില്‍ ട എണ്ണവും ‘നിലവിലെ അനുപാതങ്ങള്‍’ 1-ന് താഴെ റിപ്പോര്‍ട്ട് ചെയ്തിട്ടുണ്ട്, ഇത് സമീപകാല ”ലിക്വിഡിറ്റി സമ്മര്‍ദത്തെ’ സൂചിപ്പിക്കുന്നു.
* ഗ്രുപ്പിന്റെ ഏറ്റവും ഉയര്‍ന്ന റാങ്കുകളും 22 പ്രധാന നേതാക്കളില്‍ 8 പേരും അദാനി കുടുംബാംഗങ്ങളാണ്, ഗ്രൂപ്പിന്റെ സാമ്പത്തിക കാര്യങ്ങളുടെയും പ്രധാന തീരുമാനങ്ങളുടെ ചുക്കാന്‍ പിടിക്കുന്നത്. ഒരു മുന്‍ എക്‌സിക്യൂട്ടീവ് അദാനി ഗ്രൂപ്പിനെ ”ഒരു കുടുംബ ബിസിനസ്സ്” എന്നാണ് വിശേഷിപ്പിച്ചത്.
* കള്ളപ്പണം വെളുപ്പിക്കല്‍, നികുതിദായകരുടെ ഫണ്ട് മോഷണം, അഴിമതി എന്നിവ ആരോപിച്ച് 4 പ്രധാന തട്ടിപ്പ് അന്വേഷണങ്ങള്‍ അദാനി ഗ്രൂപ്പിലേക്ക് ക്രേന്ദീകരിച്ചിരുന്നു. മൊത്തം 17 ബില്യണ്‍ യുഎസ് ഡോളര്‍. മൌറീഷ്യസ്, യുഎഇ, കരീബിയന്‍ ദ്വീപുകള്‍ തുടങ്ങിയ ടാക്‌സ് ഹെവന്‍ സ്വഭാവമുള്ള അധികാരപരിധിയില്‍ ഓഫ്‌ഷോര്‍ ഷെല്‍ എന്റിറ്റികള്‍” സൃഷ്ടിക്കാന്‍ അദാനി കുടുംബാംഗങ്ങള്‍ സഹകരിച്ചു, വ്യാജമോ നിയമവിരുദ്ധമോ ആയ വിറ്റുവരവ് സൃഷ്ടിക്കുന്നതിനും ലിസ്റ്റുചെയ്ത കമ്പനികളില്‍ നിന്ന് പണം തട്ടിയെടുക്കുന്നതിനുമായി വ്യാജ ഇറക്കുമതി /കയറ്റുമതി ഡോക്യുമെന്റേഷന്‍ തയ്യാറാക്കി.
* ഗൗതം അദാനിയുടെ ഇളയ സഹോദരന്‍ രാജേഷ് അദാനി 2004-2005 കാലഘട്ടത്തില്‍ ഡയമണ്ട് ട്രേഡിംഗ് ഇറക്കുമതി /കയറ്റുമതി പദ്ധതിയില്‍ മുഖ്യ പജഃ വഹിച്ചതായി ഡയറക്ടറേറ്റ് ഓഫ് റവന്യൂ ഇന്റലിജന്‍സ് (ഡിആര്‍ഐ? ആരോപിച്ചിരുന്നു. കൃതിമ വിറ്റുവരവ് സൃഷ്ടിക്കുന്നതിന് ഓഫ്‌ഷോര്‍ ഷെല്‍ എന്റിറ്റികളെ ഉപയോഗിക്കുന്നത് ആരോപണവിധേയമായ പദ്ധതിയില്‍ ഉള്‍പ്പെടുന്നു. വ്യാജരേഖ ചമയ്ക്കല്‍, നികുതി തട്ടിപ്പ് എന്നീ കുറ്റങ്ങള്‍ ചുമത്തി രണ്ട് തവണയെങ്കിലും രാജേഷിനെ അറസ്റ്റ് ചെയ്തിരുന്നു. തുടര്‍ന്ന് അദാനി ഗ്രുപ്പിന്റെ മാനേജിംഗ് ഡയറ്കടറായി സ്ഥാനക്കയറ്റം ലഭിച്ചു.
* ഗൗതം അദാനിയുടെ ഭാര്യയുടെ ഇളയ സഹോദരന്‍ സമീര്‍ വോറ, വ്രജവ്യാപാര അഴിമതിയില്‍ പ്രധാന പങ്കുവഹിച്ച വ്യക്തിയാണെന്ന് ഡിആര്‍ഐ ആരോപിച്ചു. അദ്ദേഹത്തിന് ”അദാനി ഓസ്‌ട്രേലിയ” ഡിവിഷന്റെ എക്‌സിക്യൂട്ടീവ് ഡയറക്ടറായി സ്ഥാനക്കയറ്റം നല്‍കി.
* ഗൗതം അദാനിയുടെ മൂത്ത സഹോദരന്‍ വിനോദ് അദാനിയെ മാദ്ധ്യമങ്ങള്‍ ” നിഗൂഡതകള്‍ നിറഞ്ഞ വ്യക്തി” എന്നാണ് വിശേഷിപ്പിച്ചിട്ടുള്ളത്. തട്ടിപ്പ് സുഗമമാക്കാന്‍ ഉപയോഗിക്കുന്ന ഓഫ്‌ഷോര്‍ സ്ഥാപനങ്ങളുടെ ശൃംഖല കൈകാര്യം ചെയ്യുന്നതിലെ പങ്കിന്റെ പേരില്‍ അദാനിയെക്കുറിച്ചുള്ള ഗവണ്‍മെന്റ് അന്വേഷണങ്ങളുടെ കേന്ദ്ര ബിന്ദുവായി വിനോദ് അദാനിയുടെ പേര് സജീവമായിരുന്നു.
* വിനോദ് അദാനിയുടെയോ അടുത്ത സഹകാരികളുടെയോ നിയന്ത്രണത്തിലുള്ള 38 മോറീഷ്യസ് ഷെല്‍ എന്റിറ്റികളെ ഞങ്ങള്‍ തിരിച്ചറിഞ്ഞിട്ടുണ്ട്. സ്രൈപസ്, യുഎഇ, സിംഗപ്പൂര്‍, നിരവധി കരീബിയന്‍ ദ്വീപുകള്‍ എന്നിവിടങ്ങളില്‍ വിനോദ് അദാനി രഹസ്യമായി നിയ്രന്ത്രിക്കുന്ന സ്ഥാപനങ്ങളെ ഞങ്ങള്‍ തിരിച്ചറിഞ്ഞിട്ടുണ്ട്.
* വിനോദ് അദാനിയുമായി ബന്ധപ്പെട്ട പല സ്ഥാപനങ്ങള്‍ക്കും പ്രവര്‍ത്തനങ്ങളുടെ വ്യക്തമായ രേഖകളോ, കൃതൃമാ ജീവനക്കാരോ, സ്വതന്ത്ര വിലാസങ്ങളോ, ഫോണ്‍ നമ്പറുകളോ, അര്‍ത്ഥവത്തായ ഓണ്‍ലൈന്‍ സാന്നിധ്യമോ ഇല്ല. ഇതൊക്കെയാണെങ്കിലും, അവര്‍ കൂട്ടായി ബിലൃണ്‍ കണക്കിന് ഡോളര്‍ അദാനിയുടെ പൊതുവായി ലിസ്റ്റുചെയ്ത കമ്പനികളിലേക്കും സ്വകാര്യ സ്ഥാപനങ്ങളിലേക്കും നീക്കിവച്ചു; പലപ്പോഴും ഇടപാടുകളുടെ സ്വഭാവം വെളിപ്പെടുത്താതെ തന്നെ.
* മൗറീഷ്യസ് കോര്‍പ്പറേറ്റ് രജിസ്ട്രി മുഴുവനായും ഡൗണ്‍ലോഡ് ചെയ്യുകയും കാറ്റലോഗ് ചെയ്യുകയും വഴി നിരവധി സഹപ്രവര്‍ത്തകര്‍ മുഖേന ഓഫ്‌ഷോര്‍ ഷെല്‍ എന്റിറ്റികളുടെ ഒരു വലിയ രാവണന്‍ കോട്ട (ലാബരിന്ദ്) വിനോദ് അദാനിയുടെ നേതൃത്വത്തില്‍ പ്രവര്‍ത്തിക്കുന്നുണ്ടെന്ന് കണ്ടെത്തി.
* ചില ഷെല്‍ എന്റിറ്റികളുടെ സ്വഭാവം മറയ്ക്കാന്‍ രൂപകല്‍പ്പന ചെയ്തിരിക്കുന്ന അടിസ്ഥാന ശ്രമങ്ങളും ഞങ്ങള്‍ കണ്ടെത്തുകയുണ്ടായി. ഉദാഹരണത്തിന്, വിനോദ് അദാനിയുമായി ബന്ധപ്പെട്ട സ്ഥാപനങ്ങള്‍ക്കായി 13 വെബ്‌സൈറ്റുകള്‍ സൃഷ്ടിച്ചുട്ടുണ്ട്.. പലതും സംശയാസ്പദമായി ഒരേ ദിവസങ്ങളില്‍ രൂപീകരിച്ചവയാണ്. ഇവ സ്റ്റോക്ക് ഫോട്ടോകള്‍ മാത്രം ഫീച്ചര്‍ ചെയ്യുകയും യഥാര്‍ത്ഥ ജീവനക്കാരുടെ പേരുവിവരങ്ങള്‍ നല്‍കാതിരിക്കുകയും, ”വിദേശ ഉപഭോഗം”, ”വാണിജ്യ സാന്നിധ്യം” തുടങ്ങിയ അസംബന്ധ സേവനങ്ങളുടെ പട്ടിക നിരത്തുകയും ചെയ്യുന്നു.
* വിനോദ്-അദാനി ഷെല്ലുകള്‍ (1) നിയമവരുദ്ധ രീതിയില്‍ ഓഹരി വില്‍പന ചെയ്യുന്ന സ്റ്റോക്ക് പാര്‍ക്കിംഗ് / സ്റ്റോക്ക് കൃത്രിമം (2) സാമ്പത്തിക സുസ്ഥിരതയും സോള്‍വന്‍സിയും നിലനിര്‍ത്തുന്നതിന് ലിസ്റ്റ് ചെയ്ത കമ്പനികളുടെ ബാലന്‍സ് ഷീറ്റിലേക്ക് അദാനിയുടെ സ്വകാര്യ കമ്പനികള്‍ വഴി പണം വെളുപ്പിക്കല്‍ ഉള്‍പ്പെടെ നിരവധി പ്രവര്‍ത്തനങ്ങള്‍ ചെയ്ത് വരുന്നുണ്ട്.
* മാധ്യമങ്ങളും പാര്‍ലമെന്റ് അംഗങ്ങളും ആദ്യം ആശങ്കകള്‍ ഉന്നയിച്ച് ഒന്നര വര്‍ഷത്തിലേറെയാകുമ്പോള്‍ ഓഫ്‌ഷോര്‍ ഫണ്ടുകള്‍ നിലവിലുള്ള അന്വേഷണത്തിന്റെ വിഷയമാണെന്ന് ഞങ്ങള്‍ സെബിക്ക് സമര്‍പ്പിച്ച വിവരാവകാശ അപേക്ഷകള്‍ (ആര്‍ടിഐ) സ്ഥിരീകരിക്കുന്നു.
* അദാനിയുടെ ഓഹരികളില്‍ 99% ക്രേന്ദ്രീകരിച്ചിരിക്കുന്ന ഒരു ഫണ്ട് ഉള്‍പ്പെടെ, ഏകദേശം 3 ബില്യണ്‍ ഡോളറിന്റെ അദാനി ഓഹരികളുടെ ക്രേന്ദ്രീകൃത ഹോള്‍ഡിംഗുകളുള്ള ഒരു ഓഫ്‌ഷോര്‍ ഫണ്ടായ എലാറയുടെ മുന്‍ വ്യാപാരി ഞങ്ങളോട് പറഞ്ഞത്, അദാനി ഓഹരികള്‍ നിയന്ത്രിക്കുന്നുവെന്നത് വസ്തുതയാണ് എന്നാണ്. ഫണ്ടുകളുടെ ആത്യന്തിക ഉടമസ്ഥാവകാശം മറച്ചുവെക്കാന്‍ മനപൂര്‍വമുള്ള ഇടപെടലുകള്‍ ഉണ്ടായിട്ടുള്ളതായും അദ്ദേഹം വിശദീകരിച്ചു.
* എലാരയുടെ സി ഇ ഒ കുപ്രസിദ്ധ ഇന്ത്യന്‍ മാര്‍ക്കറ്റ് മാനിപ്പുലേറ്ററായ കേതന്‍ പരേഖുമായി സ്റ്റോക്ക് കൃത്രിമ ഇടപാടുകള്‍ക്കായി പ്രവര്‍ത്തിച്ച ധര്‍മ്മേഷ് ദോഷി എന്ന പിടികിട്ടാപ്പുള്ളിയായ അക്കൗണ്ടന്റുമായി ചേര്‍ന്ന് പ്രവര്‍ത്തിച്ചിരുന്നതായി ചോര്‍ന്ന ഇമെയിലുകള്‍ കാണിക്കുന്നുണ്ട്. അറസ്റ്റില്‍ നിന്ന് ഒഴിഞ്ഞുമാറിയതിന് ശേഷം എലാരയുടെ സി ഇ ഒ ദോഷിയുമായി സ്റ്റോക്ക് ഇടപാടുകളില്‍ പ്രവര്‍ത്തിച്ചിരുന്നതായി ഇമെയിലുകള്‍ വ്യക്തമാക്കുന്നുണ്ട്.
* മോണ്ടെറോസ ഇന്‍വെസ്റ്റ്മെന്റ് ഹോള്‍ഡിംഗ്സ് എന്ന മറ്റൊരു സ്ഥാപനം, ലീഗല്‍ എന്റിറ്റി ഐഡന്റിഫയര്‍ (1.11) ഡാറ്റയും ഇന്ത്യന്‍ എക്‌സ്‌ചേഞ്ച് ഡാറ്റയും അനുസരിച്ച്, ലിസ്റ്റ് ചെയ്ത അദാനി കമ്പനികളുടെ ഓഹരികളില്‍ 360 ബില്യണ്‍ (യു.എസ്. 4.5 ബില്യണ്‍) രൂപയുടെ 5 സ്വതന്ത്ര ഫണ്ടുകളെ നിയന്ത്രിക്കുന്നുണ്ട്.
* മോണ്ടെറോസയുടെ ചെയര്‍മാനും സിഇഒയും ഇന്ത്യയില്‍ നിന്ന് പലായനം ചെയ്യുന്നതിനുമുമ്പ് 1 ബില്യണ്‍ യുഎസ് ഡോളര്‍ മോഷ്ടിച്ച ഒരു വജ്രവ്യാപാരിക്കൊപ്പം 3 കമ്പനികളില്‍ ഡയറക്ടറായി സേവനമനുഷ്ഠിച്ചിരുന്നു. വിനോദ് അദാനിയുടെ മകള്‍ ഒളിവില്‍ പോയ വജ്രവ്യാപാരിയുടെ മകനെയാണ് വിവാഹം കഴിച്ചത്.
* കോര്‍പ്പറേറ്റ് രേഖകള്‍ പ്രകാരം അദാനി എന്റര്‍പ്രൈസസിനും അദാനി പവറിനും അനുവദിച്ച മോണ്ടെറോസ ഫണ്ടുകളിലൊന്നില്‍ അദാനിയുമായി ഒരിക്കല്‍ ബന്ധപ്പെട്ടിരുന്ന പാര്‍ട്ടി സ്ഥാപനം വന്‍തോതില്‍ നിക്ഷേപിച്ചിട്ടുണ്ട്.
* ന്യൂ ലെയ്ന ഇന്‍വെസ്റ്റ്‌മെന്റ്സ് എന്ന മറ്റൊരു സൈപ്രസ് അധിഷ്ഠിത സ്ഥാപനം അതിന്റെ പോര്‍ട്ട്‌ഫോളിയോയുടെ 95% എത്തുന്ന തരത്തില്‍ 2021 ജൂണ്‍-സെപ്റ്റംബര്‍ വരെ അദാനി ഗ്രീന്‍ എനര്‍ജി ഓഹരികളില്‍ 5420 മില്യണ്‍ സ്വന്തമാക്കിയിട്ടുണ്ട്. പാര്‍ലമെന്ററി രേഖകള്‍ പ്രകാരം അത് മുന്‍പ് അദാനിയുമായി ലിസ്റ്റ് ചെയ്ത മറ്റ് സ്ഥാപനങ്ങളുടെ ഓഹരിയുടമയയോ അല്ലെങ്കില്‍ ഇപ്പോഴും ആയിരിക്കുന്നവരോ ആണ്.
* അദാനിയുടെ ഓഫ്‌ഷോര്‍ എന്റിറ്റി ശൃംഖല വികസിപ്പിക്കുന്നതില്‍ വളരെയധികം പ്രവര്‍ത്തിച്ചിട്ടുള്ള ഇന്‍കോര്‍പ്പറേഷന്‍ സര്‍വീസ് സ്ഥാപനമായ അമികോര്‍പ്പിനാണ് ന്യൂ ലെയ്നയുടെ നടത്തിപ്പ്. കുറഞ്ഞത് 7 അദാനി പ്രൊമോട്ടര്‍ എന്റിറ്റികളും, വിനോദ് അദാനിയുമായി ബന്ധപ്പെട്ട കുറഞ്ഞത് 17 ഓഫ് ഷോര്‍ ഷെല്ലുകളും എന്റിറ്റികളും അമികോര്‍പ്പ് രൂപീകരിച്ചിട്ടുണ്ട്.
* മലേഷ്യന്‍ നികുതിദായകരില്‍ നിന്ന് 4.5 ബില്യണ്‍ യു.എസ് തട്ടിയെടുത്ത സംഭവത്തില്‍ അഴിമതി ആരോപണം നേരിടുന്ന കമ്പനിയാണ് അമികോര്‍പ്പ് എന്ന് ‘ബില്യണ്‍ ഡോളര്‍ തിമിംഗലം” എന്ന പുസ്തകത്തില്‍ പറയുന്നു. പ്രധാന കുറ്റവാളികള്‍ക്കായി അമികോര്‍പ്പ് ‘നിക്ഷേപ ഫണ്ടുകള്‍’ സ്ഥാപിച്ചു, അത് ”ഒരു മ്യൂച്ചല്‍ ഫണ്ട് പോലെയുള്ള ക്ലയന്റ് പണം കഴുകുന്നതിനുള്ള ഒരു മാര്‍ഗം മാത്രമായിരുന്നു” എന്നും പുസ്തകം ആരോപിക്കുന്നു.
* സ്ഥാപനപരമായ നിക്ഷേപ പ്രവാഹങ്ങള്‍ റിപ്പോര്‍ട്ട് ചെയ്യുന്ന പ്രതിദിന ഡാറ്റാ പോയിന്റാണ് ”ഡെലിവറി വോളിയം”. അദാനി ലിസ്റ്റഡ് കമ്പനികളില്‍ പ്രതിവര്‍ഷം 30% മുതല്‍ 47% വരെ ഡെലിവറി വോളിയത്തിന്റെ 30%-47% വരെ ഓഫ്‌ഷോര്‍ സ്റ്റോക്ക് പാര്‍ക്കിംഗ് എന്റിറ്റികള്‍ ഉണ്ടെന്ന് ഞങ്ങളുടെ വിശകലനം കണ്ടെത്തി. അദാനി സ്റ്റോക്കുകള്‍ വാഷ് ട്രേഡിംഗിന് വിധേയമാകുന്നുണ്ടെന്നാണ് ഇത് സൂചിപ്പിക്കുന്നത്.
* അദാനി ലിസ്റ്റ് ചെയ്ത കമ്പനികളിലെ സ്റ്റോക്ക് കൃത്രിമത്വത്തിന്റെ തെളിവുകളില്‍ അതിശയിക്കാനില്ല. അദാനി എന്റര്‍പ്രൈസസിന്റെ സ്റ്റോക്ക് പമ്പ് ചെയ്തതിന് അദാനി പ്രൊമോട്ടര്‍മാര്‍ ഉള്‍പ്പെടെ 70 ലധികം സ്ഥാപനങ്ങളെയും വ്യക്തികളെയും വര്‍ഷങ്ങളായി സെബി അന്വേഷിക്കുകയും നിയമനടപടികള്‍ക്ക് വിധേയേമാക്കുകയും ചെയ്തിട്ടുണ്ട്.
* 2007-ലെ സെബിയുടെ ഒരു വിധിയില്‍ പറയുന്നത് ”അദാനിക്കായി സ്‌ക്രിപില്‍ കൃത്രിമം കാണിക്കുന്നതിന് കേതന്‍ പരേഖിനെ സഹായിച്ചുവെന്ന് തെളിഞ്ഞിരിക്കുന്നു എന്നാണ്. കേതന്‍ പരേഖ് ഒരുപക്ഷേ ഇന്ത്യയിലെ ഏറ്റവും കുപ്രസിദ്ധനായ സ്റ്റോക്ക് മാര്‍ക്കറ്റ് മാനിപ്പുലേറ്ററാണ്. അദാനി ഗ്രൂപ്പ് സ്ഥാപനങ്ങള്‍ക്ക് അവരുടെ റോളുകള്‍ക്ക് ആദ്യം വിലക്കുകള്‍ ലഭിച്ചിരുന്നു, എന്നാല്‍ പിന്നീട് അത് പിഴയായി ചുരുക്കി. ഇത് അദാനി ഗ്രൂപ്പിനോടുള്ള സര്‍ക്കാരിന്റെ കൃപയാണ് സൂചിപ്പിക്കുന്നത്. മാത്രമല്ല ഇത് കാലങ്ങളായി തുടരുകയും ചെയ്യുന്നുണ്ട്.
* 2007-ലെ അന്വേഷണത്തില്‍, 14 അദാനി സ്ഥാപനങ്ങള്‍ പരേഖിന്റെ നിയ്രന്തണത്തിലുള്ള സ്ഥാപനങ്ങള്‍ക്ക് ഓഹരികള്‍ കൈമാറിയതായും, അവര്‍ പിന്നീട് നഗ്‌നമായ വിപണി കൃത്രിമത്വത്തില്‍ ഏര്‍പ്പെട്ടതായും കണ്ടെത്തിയിട്ടുണ്ട്. മുന്ദ്ര തുറമുഖത്ത് തങ്ങളുടെ പ്രവര്‍ത്തനങ്ങള്‍ ആരംഭിക്കുന്നതിന് ധനസഹായം നല്‍കുന്നതിന് കേതന്‍ പരേഖ് ഇടപെട്ടിരുവെന്ന് അദാനി ഗ്രൂപ്പ് സെബിക്ക് വിശദീകരണം നല്‍കിയിരുന്നു. സ്റ്റോക്ക് കൃത്രിമം വഴിയുള്ള ഓഹരി വില്‍പ്പനയാണെങ്കില്‍ കൂടിയും ധനസഹായത്തിന്റെ നിയമാനുസൃതമായ രൂപമാണ് തങ്ങളുടേതെന്ന് എന്നായിരുന്നു വാദം.
* അദാനി എന്റര്‍പ്രൈസസിന് മാത്രം 156 അനുബന്ധ സ്ഥാപനങ്ങളും നിരവധി സംയുക്ത സംരംഭങ്ങളും അനുബന്ധ സ്ഥാപനങ്ങളുമുണ്ട്. കൂടാതെ, അദാനിയുടെ ലിസ്റ്റു ചെയ്ത 7 പ്രധാന സ്ഥാപനങ്ങള്‍ക്ക് മൊത്തത്തില്‍ 578 അനുബന്ധ സ്ഥാപനങ്ങളുണ്ട്, കൂടാതെ ബിഎസ്ഇ വെളിപ്പെടുത്തലുകള്‍ പ്രകാരം 2022 സാമ്പത്തിക വര്‍ഷത്തില്‍ മാതം 6,025 പ്രത്യേക അനുബന്ധ ഇടപാടുകളില്‍ ഏര്‍പ്പെട്ടിട്ടുണ്ട്.
അതേസമയം അദാനി ഗ്രൂപ്പിന്റെ തുടര്‍ ഓഹരി സമാഹരണം ഇന്ന് മുതല്‍ തുടങ്ങി. ഓഹരി വിപണിയില്‍ അദാനി ഗ്രൂപ്പിന് കനത്ത തിരിച്ചടി നേരിടുന്നതിനിടെയാണ് രാജ്യത്തെ ഏറ്റവും വലിയ തുടര്‍ ഓഹരി സമാഹരണം ആരംഭിച്ചിരിക്കുന്നത്. ഇരുപതിനായിരം കോടി രൂപയാണ് അദാനി ഗ്രൂപ്പ് ലക്ഷ്യമിടുന്നത്.
ഹിന്‍ഡന്‍ബര്‍ഗ് റിപ്പോര്‍ട്ടിന്റെ പൂര്‍ണ്ണ രൂപം