ടെന്നിസ് ഇതിഹാസം മാര്‍ടിന നവരത്‌ലോവക്ക് തൊണ്ടക്കും സ്തനത്തിനും അര്‍ബുദം സ്ഥിരീകരിച്ചു. 2010ല്‍ സ്തനാര്‍ബുദത്തിന് ചികിത്സ തേടിയ താരത്തിന് അടുത്തിടെയാണ് ഇരു അവയവങ്ങളിലും അര്‍ബുദം കണ്ടെത്തിയത്. ”ഇരട്ട അവയവങ്ങളിലെ അസുഖബാധ ഗുരുതരമാണ്. എന്നാല്‍, ചികിത്സിച്ചുഭേദമാക്കാനാകും” മാര്‍ടിന നവരത്‌ലോവ പറഞ്ഞു.
ന്യൂയോര്‍കില്‍ ഈ മാസാവസാനത്തോടെ ചികിത്സ ആരംഭിക്കാനാണ് തീരുമാനം. ആധിയുണ്ടെങ്കിലും എല്ലാ ശക്തിയും സംഭരിച്ച് രോഗത്തോട് പൊരുതി നില്‍ക്കുമെന്ന് താരം കൂട്ടിച്ചേര്‍ത്തു. കഴിഞ്ഞ നവംബറില്‍ ഡബ്ല്യുടിഎ ഫൈനല്‍സിനിടെ ലക്ഷണങ്ങള്‍ കണ്ടെത്തിയതിനെ തുടര്‍ന്ന് നടത്തിയ ബയോപ്‌സിയിലാണ് തൊണ്ടക്ക് കാന്‍സര്‍ സ്ഥിരീകരിച്ചത്.തുടർന്നുള്ള പരിശോധനകളിലാണ് സ്തനത്തിലും അർബുദം കണ്ടെത്തിയത്