ദിലീപും മമ്ത മോഹന്‍ദാസും പ്രധാനകഥാപാത്രങ്ങളായെത്തിയ ‘2 കണ്‍ട്രീസിന്റെ രണ്ടാം ഭാഗമായി 3 കണ്‍ട്രീസ് എത്തുന്നു. ഷാഫി തന്നെയാണ് 3 കണ്‍ട്രീസ് സംവിധാനം ചെയ്യുന്നത്. ഈവര്‍ഷം അവസാനം ചിത്രീകരണം ആരംഭിക്കാനാണ് ആലോചന. ദിലീപ് -ഷാഫി കൂട്ടുകെട്ടില്‍ പുറത്തിറങ്ങിയ സിനിമകളില്‍ ഏറ്റവും പണം വാരിയ ചിത്രമായിരുന്നു 2 കണ്‍ട്രീസ്. താരനിരയില്‍ മാറ്റം ഉണ്ടാകില്ല. 2 കണ്‍ട്രീസിന് രചന നിര്‍വഹിച്ച റാഫി ആണ് രണ്ടാം ഭാഗത്തിന്റെയും തിരക്കഥാകൃത്ത്.
അതേസമയം പുതുവര്‍ഷത്തില്‍ ദിലീപിന്റെ ആദ്യറിലീസായി വോയ്‌സ് ഒഫ് സത്യനാഥന്‍ എത്തും. റാഫി സംവിധാനം ചെയ്യുന്ന ചിത്രത്തില്‍ വീണ നന്ദകുമാര്‍ ആണ് നായിക. ജോജു ജോര്‍ജ് , മകരന്ദ് ദേശ് പാണ്ഡെ, ജഗപതി ബാബു എന്നിവര്‍ക്കൊപ്പം ബോളിവുഡ് താരം അനുപം ഖേറും പ്രധാന വേഷത്തില്‍ എത്തുന്നു.