ഇന്ത്യൻ വൈസ് ക്യാപ്റ്റൻ സ്മൃതി മന്ദാന രണ്ടാം വർഷവും ഐസിസി വനിതാ ടി20 ക്രിക്കറ്റർ ഓഫ് ദ ഇയർ പുരസ്‌കാര ചുരുക്കപ്പട്ടികയില്‍. പാക്കിസ്ഥാന്റെ നിദാ ദാർ, ന്യൂസിലൻഡിന്റെ സോഫി ഡിവിൻ, ഓസ്‌ട്രേലിയയുടെ തഹ്‌ലിയ മഗ്രാത്ത് എന്നിവർ വനിതകളുടെ പട്ടികയിലുണ്ട്. പുരുഷന്മാരുടെ പുരസ്ക്കാര പട്ടികയില്‍ ബാറ്റ്സ്മാന്‍ സൂര്യകുമാർ യാദവും ഇടം നേടി.
ഇംഗ്ലണ്ടിന്റെ ഓൾ റൗണ്ടർ സാം കറൻ, പാകിസ്താന്റെ വിക്കറ്റ് കീപ്പർ മുഹമ്മദ് റിസ് വാൻ, സിംബാബ് വേ ഓൾ റൗണ്ടർ സിക്കന്തർ റാസ എന്നിവരെയാണ് സൂര്യകുമാറിന് പുറമെ നാമനിർദേശം ചെയ്തിരിക്കുന്നത്. 2021ലെ പുരസ്കാരം സ്മൃതി മന്ദാനക്കായിരുന്നു.