ശ്രീലങ്കക്കെതിരായ ഇന്ത്യന്‍ ടീമിനെ ഇന്ന് പ്രഖ്യാപിക്കും. 3 വീതം ഏകദിന, ടി-20 മത്സരങ്ങള്‍ക്കായുള്ള ടീമുകളെയാണ് പ്രഖ്യാപിക്കുക. പരിക്കേറ്റ രോഹിത് ശര്‍മയ്ക്ക് പകരം ഹാര്‍ദിക് പാണ്ഡ്യ ടീമുകളെ നയിച്ചേക്കുമെന്നാണ് റിപ്പോര്‍ട്ട്. മലയാളി താരം സഞ്ജു സാംസണ്‍ ടി-20 ടീമില്‍ ഉള്‍പ്പെട്ടേക്കും.
അതേസമയം ടി-20 ലോകകപ്പിലെ മോശം പ്രകടനങ്ങള്‍ കെ എല്‍ രാഹുലിന് തിരിച്ചടിയായി. ടി-20 ടീമിലേക്ക് കെ എല്‍ രാഹുലിനെ പരിഗണിക്കാന്‍ സാധ്യതയില്ലെന്നാണ് റിപ്പോര്‍ട്ട്. എന്നാല്‍ ഏകദിനത്തില്‍ രാഹുല്‍ തുടരും. ടി-20കളില്‍ രോഹിത് ശര്‍മ, വിരാട് കോലി, ആര്‍ അശ്വിന്‍, ദിനേഷ് കാര്‍ത്തിക് തുടങ്ങിയ താരങ്ങള്‍ കളിക്കില്ലെന്നും റിപ്പോര്‍ട്ടുണ്ട്. പരിക്കേറ്റ് പുറത്തായ രവീന്ദ്ര ജഡേജയും ജസ്പ്രീത് ബുംറയും തിരികെയെത്താന്‍ സാധ്യതയുണ്ട്.