ഉത്തരേന്ത്യയില്‍ അതിശൈത്യ തരംഗം തുടരുന്നു. ഡല്‍ഹിയില്‍ ഇന്നും മൂടല്‍ മഞ്ഞ് രൂക്ഷം. മൂടല്‍മഞ്ഞ് കൂടിയ സാഹചര്യത്തില്‍ ഗതാഗതം തടസപ്പെട്ടു. ഹരിയാനയില്‍ കുറഞ്ഞ താപനില 1.1 ഡിഗ്രി സെല്‍ഷ്യസും ഡല്‍ഹിയില്‍ കുറഞ്ഞ താപനില 7 ഡിഗ്രി സെല്‍ഷ്യസുമാണ്.
വരും ദിവസങ്ങളില്‍ തണുപ്പ് കൂടുമെന്ന് കാലാവസ്ഥാ നിരീക്ഷണ കേന്ദ്രം അറിയിച്ചു. കഴിഞ്ഞ ദിവസം രൂപപ്പെട്ട ശൈത്യ തരംഗം അടുത്ത ആഴ്ച വരെ തുടരുമെന്നാണ് റിപ്പോര്‍ട്ട്. അതിശൈത്യ തുടരുന്നതിനാല്‍ യുപിയില്‍ രണ്ട് ജില്ലകളിലെ സ്‌കൂളുകളില്‍ ജനുവരി രണ്ട് വരെ അവധി പ്രഖ്യാപിച്ചു.