കോവിഡ്-19 സാഹചര്യം വിലയിരുത്താന്‍ കേന്ദ്ര ആരോഗ്യമന്ത്രി ഡോ. മന്‍സുഖ് മാണ്ഡവ്യ സംസ്ഥാന ആരോഗ്യ മന്ത്രിമാരുമായി ഇന്ന് കൂടിക്കാഴ്ച നടത്തും. ഉച്ചകഴിഞ്ഞ് 3 മണിക്ക് ചേരുന്ന വെര്‍ച്വല്‍ മീറ്റിംഗില്‍ കോവിഡ് സാഹചര്യത്തെക്കുറിച്ചും തയ്യാറെടുപ്പിനെക്കുറിച്ചും ചര്‍ച്ച ചെയ്യും.
കോവിഡ് വ്യപനം തടയുന്നതിനുള്ള ഇന്ത്യയുടെ തയ്യാറെടുപ്പിനെക്കുറിച്ച് മാണ്ഡവ്യ ഇന്നലെ രാജ്യസഭയില്‍ പറഞ്ഞിരുന്നു. സ്ഥിതിഗതികള്‍ നിരന്തരം നിരീക്ഷിച്ചുവരികയാണെന്നും വൈറസിന്റെ പുതിയ വകഭേദങ്ങളൊന്നും രാജ്യത്തേക്ക് കടക്കുന്നില്ലെന്ന് ഉറപ്പാക്കാനാണ് ശ്രദ്ധിക്കുന്നതെന്നും അദ്ദേഹം പറഞ്ഞിരുന്നു.