മുംബൈ:
തൽക്കാൽ ഉൾപ്പെടെയുള്ള ട്രെയിൻ ടിക്കറ്റ് ബുക്കിങ് ആയാസരഹിതമാക്കാൻ പ്രത്യേക ആപ്പുമായി റെയിൽവെ രംഗത്ത്. കൺഫേം ടിക്കറ്റ് മൊബൈൽ ആപ്പ് എന്നു പേരിട്ടിരിക്കുന്ന ആപ്പ് വഴി തൽക്കാൽ ഉൾപ്പെടെയുള്ള ടിക്കറ്റുകൾ ബുക്ക് ചെയ്യാനാണ് സൗകര്യം ഒരുക്കിയിരിക്കുന്നത്.
നിശ്ചിത റൂട്ടൂകളിലൂടെ സർവീസ് നടത്തുന്ന എല്ലാട്രെയിനുകളിലെയും തൽക്കാൽ ക്വാട്ടയിൽ ഒഴിവുള്ള സീറ്റുകളുടെ വിശദാംശങ്ങൾ ഈ ആപ്പിലൂടെ ലഭിക്കും. സീറ്റ് ലഭ്യത, ട്രെയിൻ സമയം എന്നിവ അറിയാനും ടിക്കറ്റ് റദ്ധാക്കാനും ഇ-ടിക്കറ്റിനുള്ള ടി ഡി ആർ ഫയൽ ചെയ്യാനും ആപ്പിലൂടെ കഴിയും. കൂടുതൽ വിവരങ്ങൾ അറിയാൻ ട്രെയിനുകളുടെ പേരോ, നമ്പറോ നൽകേണ്ടതില്ലെന്നാണ് പ്രധാന പ്രത്യേകത. ഗൂഗിൾ പ്ളേസ്റ്റോറിൽ നിന്നും ആപ്പ് ഡൗൺലോഡ് ചെയ്യാം.