വാഷിങ്ടൺ:
2023 സാമ്പത്തിക വർഷത്തേക്കുള്ള എച്ച്-1ബി വിസകൾക്കുള്ള പ്രാരംഭ രജിസ്ട്രേഷൻ മാർച്ച് ഒന്നിന് ആരംഭിക്കുമെന്ന് യു എസ് സിറ്റിസൺഷിപ്പ് ആൻഡ് ഇമിഗ്രേഷൻ സർവിസസ് അറിയിച്ചു. മാർച്ച് 18 വരെ രജിസ്റ്റർ ചെയ്യാം. ഓൺലൈൻ സംവിധാനം ഉപയോഗിച്ചാണ് രജിസ്റ്റർ ചെയ്യേണ്ടത്.
ഇങ്ങനെ രജിസ്റ്റർ ചെയ്യുന്നവർക്ക് ഒരു സ്ഥിരീകരണ നമ്പർ നൽകും. ഈ നമ്പർ ഉപയോഗിച്ച് രജിസ്ട്രേഷൻ ട്രാക്ക് ചെയ്യാൻ കഴിയും. അതേസമയം, ഇതുപയോഗിച്ച് കേസ് സ്റ്റാറ്റസ് ട്രാക്ക് ചെയ്യാൻ സാധിക്കില്ല. 10 ഡോളറാണ് രജിസ്ട്രേഷൻ ഫീസ്.