തെക്കുപടിഞ്ഞാറൻ പാകിസ്ഥാനിൽ പൊലീസ് ട്രക്കിലേക്ക് മോട്ടോർ സൈക്കിൾ ഇടിച്ചുകയറി ചാവേർ ആക്രമണം. ആക്രമണത്തിൽ 9 പൊലീസുകാർ കൊല്ലപ്പെട്ടു. നിരവധി പേർക്ക് പരിക്കേറ്റിട്ടുണ്ട്. ബലൂചിസ്ഥാൻ പ്രവിശ്യയുടെ തലസ്ഥാനമായ ക്വറ്റയിൽ നിന്ന് 160 കിലോമീറ്റർ കിഴക്കുള്ള സിബി നഗരത്തിലാണ് ആക്രമണം നടന്നത്. ട്രക്കിന്റെ പിറകിൽ നിന്നാണ് ചാവേർ മോട്ടോർ സൈക്കിൾ ഇടിച്ചു കയറ്റിയതെന്ന് പൊലീസ് പറഞ്ഞു. എന്നാൽ ആക്രമണത്തിന്റെ ഉത്തരവാദിത്തം ഒരു ഗ്രൂപ്പും ഏറ്റെടുത്തിട്ടില്ല. ആക്രമണത്തിൽ പരിക്കേറ്റവരെ സമീപത്തെ ആശുപത്രിയിലേക്ക് മാറ്റിയിട്ടുണ്ട്.
By Firdousy E R
വോക്ക് മലയാളത്തില്‍ ഡിജിറ്റല്‍ ജേര്‍ണലിസ്റ്റ് ട്രെയ്‌നി. ജീവന്‍ ടി വിയില്‍ പ്രവര്‍ത്തന പരിചയം.