ഐഎസ്എല്‍ പോയിന്റ് പട്ടികയിലെ മൂന്നാം സ്ഥാനം ലക്ഷ്യമിട്ട് കേരള ബ്ലാസ്റ്റേഴ്‌സ് ഇന്ന് ഇറങ്ങും. പട്ടികയില്‍ പത്താം സ്ഥാനത്തുള്ള ജംഷഡ്പൂര്‍ എഫ്‌സിയാണ് ബ്ലാസ്റ്റേഴ്‌സിന്റെ എതിരാളികള്‍. കൊച്ചി ജവഹര്‍ലാല്‍ നെഹ്‌റു സ്റ്റേഡിയത്തില്‍ രാത്രി 7.30 നാണ് മത്സരം. തുടര്‍ച്ചയായ എട്ട് മത്സരങ്ങളില്‍ വിജയിച്ച് മുന്നേറുന്ന ബ്ലാസ്റ്റേഴ്‌സ് ഇന്ന് വിജയിച്ചാല്‍ 25 പോയിന്റുമായി പട്ടികയില്‍ മൂന്നാം സ്ഥാനത്തെത്തും.
മിഡ്ഫീല്‍ഡര്‍ ഇവാന്‍ കലിയുഷ്‌നി ഇന്ന് കളിക്കില്ല. നാല് മഞ്ഞ കാര്‍ഡ് ലഭിച്ചതാണ് കലിയുഷ്‌നിയ്ക്ക് തിരിച്ചടിയായത്. ബോക്‌സ് ടു ബോക്‌സ് റോള്‍ അതിഗംഭീരമായി നിര്‍വഹിക്കുന്ന കലിയുഷ്‌നി നിലവില്‍ ഐഎസ്എല്ലിലെ ഏറ്റവും മൂല്യമുള്ള മധ്യനിര താരമാണ്.