പോര്‍ച്ചുഗീസ് ഫുട്ബാള്‍ സൂപ്പര്‍ താരം ക്രിസ്റ്റ്യാനോ റൊണാള്‍ഡോ സൗദിയിലെ അല്‍ നസര്‍ ക്ലബ്ബുമായി കരാര്‍ ഒപ്പുവെച്ചു. 2025 വരെ താരം ക്ലബ്ബില്‍ തുടരും.
സ്പാനിഷ് തലസ്ഥാനമായ മാഡ്രിഡില്‍ നടന്ന ചടങ്ങിലാണ് അല്‍ നസ്ര്‍ ക്ലബുമായി രണ്ടര വര്‍ഷത്തേക്കുള്ള കരാറില്‍ ക്രിസ്റ്റ്യാനോ ഒപ്പുവെച്ചത്. കരാര്‍ പ്രഖ്യാപന വേളയില്‍ റൊണാള്‍ഡോയെ ‘ലോകത്തിലെ ഏറ്റവും മികച്ച കായിക താരം’ എന്നാണ് അല്‍ നസ്ര്‍ ക്ലബ് അധികൃതര്‍ വിശേഷിപ്പിച്ചത്. അല്‍ നസര്‍ ക്ലബ്ബിന്റെ ഏഴാം നമ്പര്‍ ജേഴ്സിയായിരിക്കും റൊണാള്‍ഡോ ധരിക്കുക. 1770 കോടിയാണ് താരത്തിന് പ്രതിവര്‍ഷം ലഭിക്കുന്ന പ്രതിഫലം. സൗദി കായിക മന്ത്രി പ്രിന്‍സ് അബ്ദുല്‍ അസീസ് ബിന്‍ തുര്‍ക്കി അല്‍ ഫൈസല്‍ കരാറിനെ സ്വാഗതം ചെയ്തു.